Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Ranjulata Behera

Children

3  

Ranjulata Behera

Children

ରୁଷିଛି ମୋ ଜନ୍ମଭୂମି

ରୁଷିଛି ମୋ ଜନ୍ମଭୂମି

1 min
138



ବଙ୍ଗୋପରୁ ଧାଇଁ  ହିମାଳୟ ଗଲି

      ଦକ୍ଷିଣରୁ ପୂରୁବକୁ

ମାଆ ମାଆ ଡାକି ଆତୁରେ ପଶ୍ଚିମେ

      ଲୋଟିଦେଲି ଶରୀରକୁ  ।


ଝରି ଯାଉଥିଲେ   ମୋ ଆଖିର ଅଶ୍ରୁ

      ଝରେ ତା' ବକ୍ଷରୁ ରକ୍ତ 

ଆକୁଳ ରୋଦନ    ତା' କର୍ଣ୍ଣେ ବାଜୁନି

       ରକ୍ତେ ମୋ ଶରୀର ସିକ୍ତ ।


ଶ୍ଯାମଳ ବସନେ   ରଙ୍ଗିମା ଶୃଙ୍ଗାର

       ମସ୍ତକେ ଶୁଭ୍ର ମୁକୁଟ 

ଶିଳ୍ପୀ ଭ୍ରମିଯାଏ   ସ୍ମୃତିର ନିହାଣେ

       ପାଦପେ ବିସ୍ତାର ତଟ  ।


ସୌନ୍ଦର୍ଯ୍ୟରେ ମଗ୍ନ  କବି ଓ ଭାବୁକ

      ମକ୍ଷିକାର ମଧୁ ସ୍ବରେ

ଶାନ୍ତି,ମୈତ୍ରୀ ବାର୍ତ୍ତା  ଚଉଦିଶେ କମ୍ପେ

      ମନିଷୀଙ୍କ ପୂତ ତାରେ ।


କାହିଁ ସେଇ ଦିନ   ବିଗତ ମହିମା

      କାହିଁ ତା'ର ସୁନ୍ଦରତା 

ଧୂସର ବର୍ଣ୍ଣରେ    ଅଙ୍ଗରାଜି ତା'ର

      ଅନ୍ତଃକରଣେ ପୀଡିତା ।


ଜଳୁଛି,ସଢୁଛି  ଅରୁଣ ଆଭାରେ

      ଥିଲା ଯେ ମଥାର ଟିକା

ପାଣି,ପବନରେ  ବଢିବା ସନ୍ତାନ 

      ସ୍ବାର୍ଥରେ କରଇ ଏକା  ।


ଦେଖ ଦେଖ ବନ୍ଧୁ  କୁହ ପରିଜନ

      ମାଆ ମୋ କେଉଁଠି ଅଛି

ଶୁଣୁନାହିଁ ଜମା   ମୋ ହୃଦ ବେଦନା

      ଜନ୍ମଭୂମି ମୋ ରୁଷିଛି  ।



Rate this content
Log in