ଜୀଇଁ ଥା ଅନ୍ୟର ପାଇଁ
ଜୀଇଁ ଥା ଅନ୍ୟର ପାଇଁ
ବହୁଛୁ ବହିଯା ବାହିଯା ଲୋ ନଈ
ସଂସାରେ ବନ୍ଧୁର ପଥକୁ ଡେଇଁ
ମିଛ ଏ ସଂସାରେ ବଞ୍ଚିବା ପାଇଁ କି
ତୋ ପଥ ଘେନି ବହିଯା ଲୋ ତୁହି
ଭିଜିବୁ ଭଜିବୁ ସିନା ଫେରିବାର
ବାଟକୁ କେବେ ଚାହିଁବୁ ନାହିଁ ।
ହସୁଛି ଗଗନ ହସେ ଉପବନ
ମେଦିନୀ ସାଥିରେ ହସେ ପୁଣି ଜହ୍ନ
କେତେ ଗିରି ବନ ଡେଉଁଛୁ ପଥର
କେହି ବୁଝେ ନାହିଁ ଏଠି ତୋ କଷଣ ।
ଯାଉଛୁ ଯାଉଥା ଆଗକୁ ଆଗକୁ
ସାଗରେ ମିଶିବାର ଆଶାକୁ ନେଇ ।
ଏ ଜୀବନ ତୋର ଅନ୍ୟର ପାଇଁ ଲୋ
ଦଉଛୁ ଦେଇଛୁ ତୋ ଜୀବନ ଢାଳି
ଅନ୍ୟର କାର୍ଯ୍ୟରେ ଏମିତି ସରୁଥା
ନେଉଥିବେ ତୋତେ ଆଦରରେ ତୋଳି
ଲୋଡାନାହିଁ କିଛି ଆଉ ଏ ଜୀବନେ
ଜୀଇଁବା ସଦାବେଳେ ଅନ୍ୟର ପାଇଁ ।