ଶୁଭ ସନ୍ଧ୍ୟା

ଶୁଭ ସନ୍ଧ୍ୟା କହୁଛନ୍ତି ରବି

  ଅସ୍ତାଚଳେ ନିଅନ୍ତି ମେଲାଣି

ଶୋଭା ପାଏ ମୁଖ ଅରବିନ୍ଦେ

  ସ୍ମିତହାସ୍ୟ ଲାଲିମା ବାରୁଣୀ ।

ନୀଡ଼ ମୁଖେ ବାହୁଡନ୍ତି ପକ୍ଷୀ

  କୂଳ ଖୋଜେ ତରୀ ଓ ନାଉରୀ

ନିରଳସ କର୍ମଠ ଜୀବନ

 ଚାହେଁ ତାର ଥକ୍କା ଯାଉ ହରି । 

ନିରାପଦ ସ୍ୱଗୃହ ଆବାସ

 ସ୍ୱକୁଟୁମ୍ବ ପ୍ରିୟ ପରିଜନ

ଶାନ୍ତି ପ୍ରଦ ବିଶ୍ରାମେ ସୁଲଭ

 ଅଫୁରନ୍ତ ଶକ୍ତି ଓ ଆନନ୍ଦ ।

ଶାରୀରିକ ମାନସିକ ଶ୍ରମେ

 ମିଳିଥାଏ କ୍ଲାନ୍ତି ଅବସାଦ

ଅବସରେ ସୁଖ ଶାନ୍ତି ପ୍ରୀତି

 ନିରାମୟ ସୁମନ ଆନନ୍ଦ ।

ଜଣାଉଛି ଆଜି ଶୁଭରାତ୍ରି

 ସୁମଧୁର ହେଉ ସବୁ ସ୍ୱପ୍ନ

ଜାଗୁ ମନେ ନୂଆ ନୂଆ ଆଶା

 ଶୁଭ ହେଉ ପ୍ରତି ପ୍ରାତଃ ଦିନ ।