ରଙ୍ଗର ପରବ ହୋଲି
ରଙ୍ଗର ପରବ ହୋଲି
ବରଷକୁ ଥରେ ଆସିଅଛି ହୋଲି
ଖୁସିର ପସରା ନେଇ,
ବସନ୍ତ ଋତୁର ମୁଖ୍ୟ ଆକର୍ଷଣ
ଏଇ ପରବ ଅଟଇ l
ଆସ ଆସ ସାଙ୍ଗ ନେଇ ଯେତେ ରଙ୍ଗ
ଖେଳିବା ସଭିଏଁ ହୋଲି,
ପବିତ୍ର ହୋଲିରେ ନାଚିବା ଝୁମିବା
ପର ଆପଣାର ଭୁଲି l
ବରଷକୁ ଥରେ ହୋଲି ଆସିଅଛି
ପବିତ୍ର ଆମ ଜୀବନ,
ଦେହରେ ପଡିଲେ ହୋଲି ଛିଟା ଥରେ
ଜୀବନ ହୋଇବ ପୂଣ୍ୟ l
ହୋଲି ଦୂର କରେ ପାପ ସବୁ ଯେତେ
ସାଥୀଙ୍କୁ କରି ମିଳନ,
ବନ୍ଧନ ମିଳନ ଅତୁଟ ରହିବ
ଧରି ସଂସାର ବନ୍ଧନ l
ସାଙ୍ଗ ସାଥୀ ମିତ ବନ୍ଧୁ ପରିଜନ
ପିଲା ଠାରୁ ବୃଦ୍ଧା ମିଳି,
ଫଗୁ ଅବିରରେ ହୋଲି ମନାଇବା
ପରସ୍ପର ହୋଇ ବୋଳି l
ଶତ୍ରୁ ହେଉ ଅବା ହେଉ ଆମ ମିତ୍ର
ସଭିଙ୍କୁ ବୋଳିବା ରଙ୍ଗ,
ସଭିଏଁ ଭୁଲିବା ଅତୀତର କଥା
ଲାଗିଲେ ପ୍ରୀତିର ରଙ୍ଗ l
ପବିତ୍ର ହୋଲିର ମନ୍ତବ୍ୟ ଅଟଇ
ମନରୁ ପୋଛିବା ଘୃଣା,
ପ୍ରୀତିର ଅବିର ଦେହରେ ଲାଗିଲେ
ଘୃଣା ହେବ ବାଟ ବଣା l
ନାନାଦି ରଙ୍ଗର ମିଳିତ ସମ୍ଭାର
ମିଶିଲେ ପୀରତି ଭାବ,
ହସିବ ଏ ଗାଆଁ ହସିବ ଦୁନିଆ
ଦୁଃଖର ବିନାଶ ହେବ l