ମରତ ପୁରୀରେ ବିଜେ ଶୀତ ରାଣୀ
ମରତ ପୁରୀରେ ବିଜେ ଶୀତ ରାଣୀ
ମରତ ପୁରୀରେ ବିଜେ ଶୀତ ରାଣୀ
ଧବଳ ଓଢଣୀ ମଥାରେ ତା ଟାଣି
ଧୂବ ଘାସ ପରେ ପଡ଼ଇ ଶିଶିର
ହୀରକ ପରାୟେ ଦିଶଇ ସୁନ୍ଦର
ପାଦପ ପତରେ ଜଳ ବୁନ୍ଦା ମାନ
ଟୋପା ଟୋପା ପଡେ ବର୍ଷାର ସମାନ
ନାନା ଜାତି ଗେଣ୍ଡୁ, ଜିନିଆ, ଡାଲ୍ଲୀଆ
ଉଦ୍ୟାନ ରେ ଫୁଟି ଝଲସେ ବଢିଆ
ଧୁସର ବର୍ଣ୍ଣରେ ଆଚ୍ଛାଦିତ ମହୀ
ଦିବସ ରଜନୀ ପ୍ରାୟ ପ୍ରତେ ହୋଇ
ଦିନ ସାରା ଶୀତ ରାଜତ୍ୱ କରଇ
ପ୍ରବଳ ଶୀତରେ ଦେହ ଥରୁ ଥାଇ
ସକାଳୁ ଉଠିବା ଲାଗେ ଭାରି କଷ୍ଟ
ମନେ ମନେ ଭାବେ ଶୀତ ଭାରି ଦୁଃଷ୍ଟ
ରେଜେଇ କମ୍ବଳ ଭିତରେ ଦେହକୁ
ଘୋଡାଇ ରଖିବୁ ନଯିବୁ ପଦାକୁ
ସୂର୍ଯ୍ୟଙ୍କ ତାପ ଲାଗଇ ଆରାମ
ଖରାରେ ବସିବା ଦେହକୁ ଉଷୁମ
ସକାଳୁ ସକାଳୁ ନିଆଁ ଜାଳି ପୋଇଁ
ଶୀତର ଦାଉରୁ ଟିକେ ରକ୍ଷା ପାଇଁ
ଅତି ଛୋଟ ଦିନ ରାତି ବଡ଼ ହୁଏ
ଶୋଇବାରେ ମଜା ସେଥିପାଇଁ ହୁଏ
କମ୍ବଳ ଭିତରେ ଦେହକୁ ଘୋଡାଇ
ଭାରି ଶାନ୍ତି ଲାଗେ ବିଛଣା ରେ ଥାଇ
ଜ୍ୟାକେଟ,ଚାଦର ହୋଇଥାଏ ଲୋଡ଼ା
ତଳ ଠାରୁ ତାଳୁ ଯାଏ ହୋଇ ଘୋଡା
ଥଣ୍ଡାପାଇଁ ଜଳ ବରଫ ହୁଅଇ
ପକ୍କାଘର ତଳ ହେମାଳ ଲାଗଇ
ବୋହି ଆଣେ ଚାଷୀ ଧାନ କୁ ଖଳାକୁ
ବରଷ ଯାକର ଖାଦ୍ୟ ପାଇବାକୁ
କୃଷକ ର ମନ ଅତ୍ୟନ୍ତ ପ୍ରଫୁଲ୍ଲ
କ୍ଷେତରେ ଫସଲ ତା ଅମୁଲ ମୁଲ
ବାଡ଼ି ବଗିଚାରେ ପରିବା ଲଗାଏ
କୋବି, ମୂଳା, ଶାଗ ଆଦି କେତେ ଥାଏ
ସୁଲଭ ହୁଅଇ ପରିବା ର ଦର
ଖାଉଟି ମନରେ ଆନନ୍ଦ ଅପାର
ନାନା ଜାତି ଫୁଲେ ଉପବନ ଶୋହେ
ଦେଖିଲା ଲୋକର ପରାଣ କୁ ମୋହେ
ଗେଣ୍ଡୁ, କରବୀର,କାମିନୀ,ଡାଲ୍ଲୀଆ
ମାଳତୀ, ଟଗର, ମନ୍ଦାର, ଜିନିଆ
ପ୍ରକୃତି ରଖିଛି ତାହାକୁ ସଜାଇ
ମଧୁ ମକ୍ଷିକାର ଗୁଞ୍ଜନ ଶୁଭଇ
ଶୀତ ରାଣୀ ଆସି ସଜେଇ ହେଲାଣି
ସମସ୍ତଙ୍କ ମନ ହରଣ କଲାଣି ।