ସୂରୁଜ ରାଜା

ଶୀତୁଆ ସକାଳର ଶୀତୁଆ ବାଆରେ

ଆଜି ସୂରୁଜ ରାଜା ଙ୍କର ଆଭା ପରିସ୍ଫୂଟିତ

ହୋଇ ଛୁଟି ଯାଇଛି ଭବନମଣ୍ଡଳର ଚତୁଃପାର୍ଶ୍ଵ

ସୂରୁଜ ରାଜା ଙ୍କ କିରଣର ଉଷ୍ମତା

ଭରି ଦେଇଛି ମନ ଓ ପ୍ରାଣରେ

ଶକ୍ତିର ପୀୟୂଷ, ପ୍ରାଣୀଜଗତ ଏବେ

ସୂରୁଜ ରାଜା ଙ୍କ ରଶ୍ମି ର ତେଜରେ

ବଳିୟାର ହୋଇ କାଟୁଛନ୍ତି ଦିନ

ମହାଆନନ୍ଦରେ, ଜୀବନ ରକ୍ଷଣରେ।

ଗୋଧୂଳିର ସ୍ପର୍ଶର ର ଅନୁଭବ ଅନୁଭୁତି

ଆଜି ନିଆରା ନିଆରା ବାସ୍ନା ରେ

ମହକିତ ହୋଇ ଧରାବକ୍ଷକୁ

କରିଛି ଶୀତଳ ପରଶରେ ଅସ୍ଥିର

ଚାତକ ପରି ଚାହିଁ ରହିଛନ୍ତି ସବୁଜ

ବନାନୀର ଅରଣ୍ୟାନି ସୁରୂଜ ରାଜାଙ୍କ

ଆଭାରେ ବିକଶିତ ହେବେ

ପୁଷ୍ପଗୁଚ୍ଛ, ଭ୍ରମରର ବୀଣା ବାଦନରେ

ମୋହିତ ହେବ ପ୍ରକୃତି ମା'ର କୋଳ

ସେହି ଶୀତଳ ପରଶର ସ୍ପର୍ଶର

ଶୀତୁଆ ବାଆରେ ଦୋହଲି ଦୋହଲି

ଫୁଲ ଗାଉଥିବ ଗୀତ

ମନଜିଣା ସ୍ବରରେ।