ଦେଵ ଅଭିଷେକ
ଦେଵ ଅଭିଷେକ
ପୌଷ ମାସ ତିଥି ପୂର୍ଣ୍ଣିମା ବଡ଼ ପବିତ୍ର ଦିନ
ଅଭିଷେକ ପର୍ବ ହୁଅଇ ଶୁଣ ଦେଇ ତୁ ମନ |
ଦେବତା ମାନଙ୍କୁ ସଜାଇ ରାଜେଶ୍ୱର ବେଶରେ
ପୂଜନ୍ତି ଭକତ ସକଳେ ଅତି ଭକ୍ତି ଚିତ୍ତରେ |
ଆମରି ଠାକୁର ଜଗତ ନାଥ ଶ୍ରୀ ଜଗନ୍ନାଥ
ଶ୍ରୀକ୍ଷେତ୍ରରେ ରତ୍ନ ବେଦିରେ ଭାଇ ଭଗ୍ନୀ ସହିତ |
ସୁବର୍ଣ୍ଣ ବେଶ ସେ ହୁଅନ୍ତି ପ୍ରଭୂ ଜଗତ ନାଥ
ମହଣ ମହଣ କାଞ୍ଚନ ଅଳଙ୍କାର ଭୂଷିତ |
ଦେବ ଅଭିଷେକ ବିଧାନ ତୋତେ କହୁଛି ଶୁଣ
ତ୍ରେତୟା ଯୁଗରେ ଶ୍ରୀରାମ ପିତୃ ସତ୍ୟ ପାଳନ |
ଚଉଦ ବରଷ ବନରେ ଭାଇ ଭାର୍ଯ୍ୟା ସହିତ
ବିତାଇ ଫେରିଲେ ଅଯୋଧ୍ୟା ଖୁସି ନୁହଁ ବର୍ଣ୍ଣିତ |
ପୌଷ ମାସ ତିଥି ପୂର୍ଣ୍ଣିମା ସେହି ଦିନ ଟି ଥିଲା
ସମଗ୍ର ଅଯୋଧ୍ୟା ନଗରେ ଶୋଭା ବର୍ଦ୍ଧିତ ହେଲା |
ରାଜ ଅଭିଷେକ ହୋଇଲେ ପ୍ରଭୂ କୋଦଣ୍ଡ ଧର
ରାମ ରାଜ୍ୟ ହେଲା ପ୍ରତିଷ୍ଠା ସାରା ଅଯୋଧ୍ୟା ପୁର |
ସେହି ପରମ୍ପରା ଆଜି ବଞ୍ଚିଛି ଆଜି ଜନ ମାନସେ
ଦେଵ ଅଭିଷେକ ପାଳୁଛେ ଆମେ ମନ ହରଷେ |
ଶହେ ଆଠ ଗରା ପାଣିରେ ଘୃତ ଚନ୍ଦନ ବୋଳି
ସ୍ନାହାନ ବେଦିରେ ଠାକୁର ପରେ ତାହାକୁ ଢାଳି |
ସ୍ନାନ ସମାପନ ଉତ୍ତାରେ ପୁଷ୍ପ ଧନୁ ଧାରଣ
କରନ୍ତି ଜଗତ କରତା ପ୍ରଭୂ ରମା ରମଣ |
ରାଜା ରାଜେଶ୍ୱର ବେଶରେ ପ୍ରଭୂ ସଜ୍ଜିତ ହୋଇ
ସ୍ୱର୍ଣ ଅଳଙ୍କାରେ ଭୂଷିତ ହୋନ୍ତି ତ୍ରୈଲୋକ୍ୟ ସାଇଁ ।
ଭକତ ଜନଙ୍କୁ ଦର୍ଶନ ଦେଇଥାନ୍ତି ଦୈତାରୀ
ଦିବ୍ୟ ରୂପ କରି ଦର୍ଶନ ନର ଯାଆନ୍ତି ତରି |
ଚାଲ ସଖୀ ଆମେ ଦର୍ଶନ ସୁନା ବେଶ କରିବା
ସେ ରୂପ ଦର୍ଶନେ ସକଳ ପାପ ତାପ ନାଶିବା |