ଉତ୍ତପ୍ତ ଧରଣୀ ଅସହ୍ୟ ହେଲାଣି
ଉତ୍ତପ୍ତ ଧରଣୀ ଅସହ୍ୟ ହେଲାଣି
ଉତ୍ତପ୍ତ ହେଲାଣି ଧରଣୀ ସୂର୍ଯ୍ୟ ତାପ ପ୍ରଖର
ପ୍ରଚଣ୍ଡ ଉତ୍ତାପେ ଜଳୁଛି ଗ୍ରାମ ଠାରୁ ସହର ।
ଅସହ୍ୟ ହେଲାଣି ତାତି ଯେ ବଢ଼ି ବଢ଼ି ଚାଲିଛି
ଦିନ ତାପମାତ୍ରା ବଢ଼ି ଣ ଛାୟାଳିଶ ଛୁଇଁଛି ।
ନଦୀ, ନାଳ ଶୁଷ୍କ ହେଲାଣି ନାହିଁ ଟୋପାଏ ଜଳ
ଜଳ ବିନା ସର୍ବ ପ୍ରାଣୀଏ ହେଉଛନ୍ତି ବିକଳ ।
ରହି ହେଉନାହିଁ ବାହାରେ ବହେ ଝାଞ୍ଜି ପବନ
ସୁରକ୍ଷିତ କେହ୍ନେ ରହିବ ଆଜି ଧନ ଜୀବନ ।
ସୂର୍ଯ୍ୟ ଦେବତା ଙ୍କ କୋପରେ ଧରା ଆଜି ଜଳୁଛି
ସତେ କି ଆକାଶ ମାର୍ଗ ରୁ ଅଗ୍ନୀ ବୃଷ୍ଟି ହେଉଛି ।
ମନେ ହୁଏ ଜଳି ଯିବକି ଏହି ସାରା ସଂସାର
ରବି ଙ୍କର କୋପ ଅନଳୁ ନାହିଁ ଏବେ ନିସ୍ତାର ।
ବୃକ୍ଷ ଲତା କାଟି ପକାଇ ପ୍ରକୃତି ର ବିନାଶ
ନିଜ ହାତେ ନିଜେ କରୁଛି ଆଜି ଏହି ମଣିଷ ।
ସହରୀ କରଣ ନାମରେ ବୃକ୍ଷ ରାଜି କାଟୁଛି
ବିକାଶ ନାମରେ ବିନାଶ ଆଜି ନର କରୁଛି ।
ସେଥିପାଇଁ କୋପେ ତପନ କରି ଅଗ୍ନୀ ବର୍ଷଣ
ସୃଷ୍ଟିକୁ କରିବେ ବିନାଶ ହୁଏ ପ୍ରତୀୟମାନ ।
ଅଂଶୁଘାତ ପ୍ରତି ସଜାଗ ହୁଅ ଭଉଣୀ ଭାଇ
ଖରାବେଳେ ଘରୁ ବାହାର କେବେ ହୁଅନ୍ତୁ ନାହିଁ ।
ଅତି ଆବଶ୍ୟକ କାର୍ଯ୍ୟରେ ଯେବେ ଯିବାର ଅଛି
ପାଣି, ଛତା, ଜୋତା, ଗାମୁଛା ସାଥେ ନେବାର ଅଛି ।
ତରଭୁଜ ଦହି ସର୍ବତ ଲେମ୍ବୁ ପାଣି ପିଇବ
ଦେହର ଜଳୀୟ ଅଂଶ ଯେ କେବେ କମି ନ ଯିବ ।
ସାବଧାନ ହୋଇ ରହିଲେ ଅଂଶୁଘାତ ର ଭୟ
ଦୂର କରି ଦେଇ ପାରିବା କରି ଏହି ଉପାୟ ।