କି ଦେଇ ପୂଜିବି

କି ଦେଇ ପୂଜିବି ଠାକୁର କିବା ଅଛି ମୋହର

ସବୁ କିଛି ଅଟେ ତୁମର ଯାହା ଅଛି ପାଶର ।

ଯାହା ମୁଁ ପାଇଛି ଜୀବନେ ସବୁ ତୁମରି ଦାନ

ଦାନ କୁ ଅର୍ପଣ କରିବା ନୁହେଁ ଯେ ସମିଚୀନ ।

କରୁଣା ସାଗର ପ୍ରଭୂ ହେ ଭକ୍ତ ବାନ୍ଧବ ହରି

ସକଳ ଦୁଃଖ କୁ ମୋହର ବାରେ ନିଅ ହେ ହରୀ ।

ଦୟାଶୀଳ ପଣେ ତୁମକୁ ସରି କିଏ ହୋଇବ

ଭକ୍ତ ଙ୍କ ଆତୁର ଶ୍ରବଣେ ସଙ୍ଗେ ସଙ୍ଗେ ତାରିବ ।

ତାରିବା ଶକତି ନିହିତ ଅଛି ତୁମ୍ଭ ନିକଟେ

ଵିପଦୁ କରହେ ଉଦ୍ଧାର ଅଛି ବଡ଼ ସଂକଟେ ।

ତୁମ ପରି ବଡ଼ ଠାକୁର କାହିଁ ଦେଖିନି ମୁହିଁ

ଶ୍ରୀ ମୁଖ ଦର୍ଶନେ ପାତକ ସବୁ ଯାଏ ଉଭେଇ ‌।

ଦୟା କର ଦୟା ସାଗର ପ୍ରଭୂ ରମା ରମଣ

ଦୂର ହୋଇଯାଉ ମୋହର ସବୁ ଦୁଃଖ କଷଣ ।