ରକ୍ଷା ଧଡି

କମଳା,ପିଜୁଳି,ଆମ୍ବ କି କଦଳୀ

ଛୋଟମୋଟ ଘରବାଡ଼ି ,

ଗୋଲାପ ,ଟଗର ,ମଲୀ,କନିର

କାଠଚମ୍ପା,ଧାଡି ଧାଡି ।

ବ୍ରାହ୍ମୀ,ପାନଲତା,ହଳଦୀ,ଭେରସୁଙ୍ଗ

ମଧୁମାଳତୀର ଫୁଲ,

ମହକଛୁଟଇ ଚାନ୍ଦିନୀ ରାତିରେ

ନଦେଇ ପାରେ ତା ମୂଲ ।

ସକାଳ ସୂରୁଜ ଦେଖିକରି ହେଜ

ଫୁଟି ହସୁଛନ୍ତି ରହି,

ଫୁଲ,ଫଳଭରା ପୂଜାର ପସରା

ସମର୍ପି ଦେଉଛି ମହୀ ।

କଳ।ଭଂଅର ଟି ଫୁଲରୁ ଫୁଲକୁ

ଚୁମିଚୁମି ଯାଏ ଛୁଇଁ,

ମନ୍ଦାର ହସଇ ସେଫାଳି ଖସଇ

ଲାଜେ ଝରିପଡେ ଭୂଇଁ ।

ବାର ମାସ ତେର ଫୁଲର ସମ୍ଭାର

ଚିର ବସନ୍ତର କ୍ରୀଡା,

ଟିକି ବଗିଚାଟି ଜାଗୁଅଛି ନିତି

ଥାଉ ମନେ ଯେତେ ପୀଡା ।

ହସିହସାଇବା କଳାକୁଶିଖିବା

ବାଡ଼ିବଗିଚାଟି ଗଢି,

ମନମନ୍ଦିରେ ଶରଧାରେ ବାନ୍ଧେ

ତାଙ୍କହାତେ ରକ୍ଷାଧଡି ।