ମନେ ପଡ଼େ ଠାଣି ବାଣୀ

ଦେଉଅଛି ପ୍ରୀତି ଉପହାରଟିଏ

କବିତାରେ କବିତାରେ,

ସଜ ଗୋଲାପର ସୁରଭିରେ ଭରା

ଜ୍ୟୋତିରୂପା ଦୁହିତାରେ ।

କର୍ମରେ ନିପୁଣା ଜ୍ଞାନରେ ପ୍ରବୀଣା

ଅଟୁ ଲୋ ଗେହ୍ଲେଇ ରାଣୀ,

କେଡ଼େ କାଇଦାରେ କାର୍ଯ୍ୟ କରୁଥାଉ

ମନେ ପଡ଼େ ଠାଣି ବାଣୀ ।

ହାତରେ ତିଆରି ସୁଆଦ ଦରବ

ଖୁଆଉ ଆଦର କରି,

କେତେ ନୂଆ ଚିଜ ଖୋଜି ଆଣିଦେଉ

ଦେଖି ଖୁସି ଲାଗେ ଭାରି ।

ସଂସ୍କାର ସଂପନ୍ନା, ଆଉ ଦୃଢ଼ମନା 

ଅନିନ୍ଦିତା ପରା ତୁହି,

ପ୍ରଭୁ ପଦେ ଅଳି ଚେନାଏ ହସ ତୋ

ଓଠେ ଥାଉ ସଦା ରହି ।

ଶୁଭ ଜନ୍ମଦିନ ଶୁଭେଚ୍ଛା ଜଣାଏ

କୁଶଳରେ ତୁ ଲୋ ଥାଆ,

ସଦଗୁରୁ ଯେତେ ବିପଦେ ଆପଦେ

ହେଉଥା'ନ୍ତୁ ଆପେ ସାହା ।