ଯାଦୁଖେଳ

ଆସରେ ପିଲେ ଦେଖିବ ପରା

ଯାଦୁଖେଳର ମଜା

ମଣିଷକୁ ସେ ହାଣିକି ପୁଣି

ଯୋଡ଼ି କରୁଛି ତାଜା l

ଶୂନ୍ୟରୁ ଫୁଲ କାଢି ଦେଉଛି

ଡବାରୁ ମୁର୍ଗୀ ଛୁଆ

ରୁମାଲ ନେଇ ମାଳ କରୁଛି

ମଜା ଲାଗୁଛି ଯାହା l

ଛତା ଭିତରୁ ଦେଉଛି କାଢି

କେତେ ନୋଟ ମାଳ

ଦେଖିଲେ ସତେ ଲାଗେ ଆଶ୍ଚର୍ଯ୍ୟ

ଯାଦୁର କଉଶଳ l

ଖେଳ ପାଖରେ ଲୋକଙ୍କ ମେଳ

କିମିଆ କରେ ଯାଦୁ

ନୂଆରୁ ନୂଆ ସାଧନା କେତେ

ଆକର୍ଷଣର ବିନ୍ଦୁ l

ପଇସା ଦେଇ ଟିକେଟ କିଣି

ଦେଖିବା ଯାଦୁ ଖେଳ

କେତେ ପ୍ରକାର ଅଦ୍ଭୁତ ଖେଳ

ସଲାମ ଯାଦୁକର l

ଦୁର୍ମୁଲ୍ୟ ବିଦ୍ୟା ଶିଖିଛ ବୋଲି

କରୁଛ କେତେ ନାଟ

ଯାଦୁ ବିଦ୍ୟାରେ ପାରଙ୍ଗମ ସେ

ଦେଖାଏ ନୂଆ ବାଟ l