ଲାଇବ୍ରେରୀ
ପ୍ରୋଫାଇଲ୍
ସମୟ ହାତରେ ଭାଗ୍ୟ
ସମୟ ହାତରେ ଭାଗ୍ୟ
1 min
162
ମଣିଷ ଜୀବନ ଅଟେ କର୍ମମୟ
ସତ୍ କର୍ମ ଗଢେ ଭାଗ୍ୟ
ନିଷ୍ଠାରେ ନିଷ୍ଠାରେ କର୍ମ କରୁଥିଲେ
ଆସଇ ସଦା ସୌଭାଗ୍ୟ।
ଆଜି ଯେ ରାଜନ କାଲି ସେ ଫକୀର
ସମୟ କରେ ବିଚାର
ମଣିଷର ସବୁ ଗର୍ବ ଅହମିକା
ହୁଏ କ୍ଷଣେ ଚୁରମାର।
ସତ୍ ଉପାର୍ଜନେ ବଞ୍ଚୁଥିବା ଯଦି
ଦୈବ କୃପା ହେବ ପ୍ରାପ୍ତ
ଭାଗ୍ୟ ବଦଳିବ ଆନନ୍ଦ ମିଳିବ
କଳ୍ପନା ହୋଇବ ଲୁପ୍ତ।
କଳ୍ପନାରେ କେହି ସୁଖ ପାଇ ନାହିଁ
କରମରେ ତା ନିହିତ
କାହିଁକି ନିନ୍ଦିବା ଭାଗ୍ୟକୁ ଆମର
ଆମ ହାତରେ ଗଠିତ।
ଭାଗବତ ମହା ପୁରାଣେ ଏ କଥା
ଶ୍ରୀ କୃଷ୍ଣ ପ୍ରଭୁଙ୍କ ବାଣୀ
କର୍ମ କରି ତାଙ୍କୁ ସମର୍ପଣ କଲେ
ଉଦ୍ଧାର ପାଆନ୍ତି ପ୍ରାଣୀ।
