ପ୍ରକୃତ ଗୁରୁ

ପ୍ରକୃତ ଗୁରୁ ଯେ ଦ୍ୟନ୍ତି ସୁମହତ ଶିକ୍ଷା

ଶିଷ୍ୟର ଅନ୍ତରୁ ହଟାଅନ୍ତି ଭୟ ବ୍ୟଥା ।

ପ୍ରକୃତ ଗୁରୁଙ୍କ ଉପଦେଶ ଅନୁସାରେ 

ଚଳି ପାରିଲେ ଆପଣା ଜୀବନ କଳାରେ ।

ବିଶୋଭିତ ହୋଇ ଥାନ୍ତି ମହନୀୟ ଗୁଣେ 

ମହାନ ପଣ୍ଡିତ ହୋଇ ଉଠେ ଶିଷ୍ୟ ଦିନେ ।

ପ୍ରକୃତ ଗୁରୁ ପ୍ରସାଦ କରେ ଉପକୃତ

ଦିବ୍ୟ ଚେତନାରେ ହୁଏ ମନ ସଂଚାଳିତ ।

ପ୍ରକୃତ ଗୁରୁ ମହିମା ଅଶେଷ ବିଭୂତି

ସୁନିପୁଣ ହୁଏ ଯାହା ପାଇଁ ମୁଢ଼ ମତି ।

ଶିକ୍ଷା, ଦୀକ୍ଷା ଜ୍ଞାନ ବିଦ୍ୟା ମେଧା ବୁଦ୍ଧି ବୃତ୍ତି

ସମୂହ ଯାହାଙ୍କ ହେତୁ ହୁଅଇ ଉନ୍ନତି ।

ସେହି ହିଁ ପ୍ରକୃତ ଗୁରୁ ଭାବ ରେ କଲ୍ୟାଣ 

ନିମନ୍ତେ ପ୍ରଚେଷ୍ଟା ଜାରି ରଖି ଚିର ଦିନ ।

ପୂଜା ପାନ୍ତି ଜଗତ ରେ ଗୁରୁ ଚିର କାଳ

ବନ୍ଦିତ ହୁଅନ୍ତି ପ୍ରକୃତ ଗୁରୁ ସକଳ ।