ଅନ୍ଧବିଶ୍ୱାସରୁ ମୁକ୍ତି
ଅନ୍ଧବିଶ୍ୱାସରୁ ମୁକ୍ତି
ମଣିଷ ମାତ୍ରକେ ଜ୍ଞାନ ବିବେକ ପୂର୍ଣ୍ଣ
ଅପରିହାର୍ଯ୍ୟ ମନକୁ ଆସିବା ପ୍ରଶ୍ନ |୧|
ଯଦି ପ୍ରଶ୍ନ ନପଚାରିବା, ଯୁକ୍ତି ନକରିବା
ନିଜ ବିଶ୍ୱାସକୁ ଧରି ଅନ୍ଧ ହୋଇ ରହିବା |୨|
ପ୍ରତ୍ୟେକ ବ୍ୟକ୍ତି, ପରିବାର ଓ ସମାଜର
ପ୍ରଶ୍ନ କରିବା, ପରୀକ୍ଷା କରିବା ତ ଅଧିକାର |୩|
ତାଦ୍ୱାରା ଉନ୍ନତି ହୁଏ, ସେତ ଞାନ ବିଜ୍ଞାନ
ପ୍ରଶ୍ନ ତର୍କବିତର୍କ ଅଭାବ ଅନ୍ଧ ବିଶ୍ୱାସ ଜାଣ |୪|
ଅନ୍ଧ ଭାବେ ମାନିବା, ଅଶିକ୍ଷା, କୁଶିକ୍ଷା, ଅଜ୍ଞତା
ରୋଗ, ଦୁଃଖ, ଅଶାନ୍ତି ସୃଷ୍ଟି କରେ ମନର ଅନ୍ଧତା |୫|
ଯାହା ସବୁ କଥା ସାର୍ବଜନୀନ ଗ୍ରହଣୀୟ ନୁହେଁ
ଅନ୍ଧ ବିଶ୍ୱାସେ ବିନା ପରୀକ୍ଷା ନିରୀକ୍ଷାରେ ଚାଲିଥାଏ |୬|
ଯଞ୍ଜ, ଜନ୍ତାଳ, ବେଙ୍ଗ ବିବାହ, ଷଣ୍ଢ ସୁଧି ଦ୍ବାରା
ବର୍ଷା ହୁଏ ନାହିଁ କିନ୍ତୁ ମାନି ଚାଲିଛେ ଅନ୍ଧଭାବ ଦ୍ୱାରା |୭|
ପୂର୍ବରୁ କହୁଥିଲେ ଭଗବାନ ଜଣେ ମଣିଷକୁ
କପଟୀ ଜାଣିଲେ ବେଇମାନ କହୁନେକି ତାକୁ |୮|
ଡେଉଁରିଆ ବାନ୍ଧିବା, ଗୋଡ଼ରେ କଳାଫିତା ବାନ୍ଧିବା
ଅନ୍ଧତାରେ ସମାଜ ନିମ୍ନଗାମୀ ହୁଏ ଏକଥା ବୁଝିବା |୯|
ଚାକିରୀ, ବାହାଘର, ଓ ଶୁଭ ଅଶୁଭ ବିଷୟରେ
ଅନ୍ଧ ବିଶ୍ୱାସରୁ କିଛି ଲାଭଜନକ ବ୍ୟବସାୟରେ |୧୦|
ଧର୍ମାନ୍ଧତା ନିଃସହାୟତା ଅନ୍ଧବିଶ୍ୱାସର ଲଷଣ
ସୃଷ୍ଠି କରିବା ତା ବିରୁଦ୍ଧ ବ୍ୟାପକ ଜନଜାଗରଣ |୧୧|
ଶୋଷଣ କଷଣ ଲୁଣ୍ଠନ ଭଗବାନଙ୍କ ଦ୍ବାରା ଘଟୁଛି
ଏ ମାନସିକତା ଲୋକଙ୍କ ଭିତରେ ଏବେ ବି ଅଛି |୧୨|
ମହୁ ପାଦରୁ, ହାତରୁ ବିଭୂତି, ସିମେଣ୍ଟ ଗାଈଠାରୁ ଖିର
କେତେ ମଣିଷ ଆମେ ଦେଖିଛେ କରୁଥିଲେ ପ୍ରଚାର |୧୩|
ସେପରି ଆତ୍ମ ଘୋଷିତ ଭଗବାନ ଜେଲରେ ଅଛନ୍ତି
ହେଲେ ବି ଅନ୍ଧ ବିଶ୍ୱାସରେ କିଛି ସ୍ମରଣ କରୁଛନ୍ତି |୧୪|
ସର୍ବସ୍ବ ଧ୍ବଂସ ହେଇଛି ଧାଇଁ ଏ ଅନ୍ଧବିଶ୍ୱାସ ପଛର
ତଥାପି ଚେତା ଫେରିନି ଅନ୍ଧବିଶ୍ୱାସୀ ମାନଂକର |୧୫|
ଆମ ସମାଜରେ ଅନ୍ଧବିଶ୍ୱାସର ରହିଛି ବହୁ ପ୍ରତିବିମ୍ବ
ଏଥିରୁ ମୁକ୍ତି ହେଲେ ଯାଇ ଏ ଦେଶର ବିକାଶ ସମ୍ଭବ |୧୬|