ଲାଇବ୍ରେରୀ
ପ୍ରୋଫାଇଲ୍
ମିଥ୍ୟା ପ୍ରତିଶ୍ରୁତିର ନହେବା ଶୀକାର
ମିଥ୍ୟା ପ୍ରତିଶ୍ରୁତିର ନହେବା ଶୀକାର
ସୁଖ, ଦୁଃଖ, ଖରା, ଶୀତ, ଝଡ, ଓ ବର୍ଷା, ସବୁ
ଅଟଇ ଦାନ ଏଇ ପ୍ରକୃତିର,
କୌଣସି ଅସ୍ୱାଭିକ ପରିସ୍ଥିତିର ମୁକାବିଲା ପାଇଁ
ଆମକୁ ପୂର୍ବ ପ୍ରସ୍ତୁତି ଦରକାର ।
ମନରେ ରଖିବା ଦୃଢ ବିଶ୍ୱାସ, ଭରସା ଓ ସଚ୍ଚୋଟ
ପଣିଆ ମନ ମନ୍ଦିର ଭିତର,
ସମନ୍ୱୟ ରକ୍ଷା କରି ଚାଲିବା, ରଖି ଜୀବନରେ ଶୃଙ୍ଖଳିତ
ଓ ଭାବନା ସୁନ୍ଦର ।
ଆଦୃତ ହୁଅ କି ନହୁଅ, ଛାଡିବାନି ଆମର କର୍ମ
କୌଶଳ, ସିଦ୍ଧାନ୍ତ ଓ ପ୍ରତିବଦ୍ଧତା,
କିଏ ପଚାରୁ ଅବା ନପଚ଼ାରୁ କାର୍ଯ୍ୟେ ରୂପାନ୍ତରିତ
କରିବା ତ୍ୱରିକାର ଦୃଢତା ।
ମାଳିକା ବଚ଼ନ ହୋଇବ କି ସତ୍ୟ ନା ନାହିଁ, ଏଇ
କଥା କିଏ ସେ ଜାଣିଛି?
ଯୁଗେ ଯୁଗେ ପ୍ରଳୟ ପ୍ରୟୋଧିରେ ଲୀନ ହୁଏ ମର୍ତ୍ତ୍ୟ,
ଏହା ତ ବିଦିତ ଅଛି ।
ଶଙ୍କା କାହିଁ ପାଇଁ, ଦେଖି ଅଛେ, ମହାବାତ୍ୟା କେତେ
କଅଣ କରି ଗଲା ପ୍ରହରରେ,
କାଳର କରାଳେ, ଜୀବ ଜଗତ ହୁଏ ଛଟ ପଟ, ଏହା
କିଛି ନୁଆ କଥା ନୁହେଁରେ ।
ସମୟର ଗତି ପରା ଏକ ସ୍ରୋତ, କେତେ ସ୍ଵପ୍ନ ଓ
ଆକାଂକ୍ଷାକୁ ସେ ତ ଦଳି ଦିଏ,
ଯୁଗ ଯୁଗ ଧରି ଜନ୍ମ ଓ ମୃତ୍ୟୁ ନିଶ୍ଚିତ ରହିଛି ପଳାୟନପନ୍ଥୀ
କିଆଁ ଆମେ ହେବା ହେ ।
ସମସ୍ତ କ୍ଷୁଦ୍ର କଣା ମଧ୍ୟରେ ନିହିତ ରହିଛି, ଏକ
ବିରାଟ ସମ୍ଭାବନାର ପ୍ରହର,
ମନେ ରଖ ବିଜୟ, ଦୂର ଦୃଷ୍ଟି ଥାଇ କର୍ମ ତତ୍ପରତା
ଥାଏ ମନରେ ଯାହାର ।
ମନରୁ ଯେବେ ଜଟିଳ ଓ କୁଟିଳ ହିଂସା ଭାବନା
ଗୁଡିକୁ ଦୂରୀଭୁତ କରି ପାରିବା,
ସରଳ, ତରଳ ଓ ନିର୍ମଳ ହୃଦୟରେ ଆମେ ବେଦନା
ତ କେବେ ନଭୋଗିବା ।
ପ୍ରକୃତି ମାଆର ଦତ୍ତ ବୃକ୍ଷ, ତରୁ ଲତା କେବେ ଯଦି
କରିବା ନାହିଁ କ୍ଷୟରେ,
ନକଲେ ସରଂକ୍ଷଣ, ପ୍ରକୃତିର କରାଳ କାୟାରେ
ଲୀନ ହୋଇଯିବ ସୃଷ୍ଟି କ୍ଷଣକରେ ।
ଜ୍ଞାନୀ, ବୈଜ୍ଞାନିକ କରି ଗବେଷଣା ଉନ୍ମୋଚିତ କରି
ଛନ୍ତି ପଥ ଜୀବନକୁ ଗଢି ତୋଳିବାର,
କରିବା ସଂଗ୍ରାମ, ଗତିଶୀଳ ହେବାକୁୁ ସମାଜେ ନହେବା
ଅନ୍ଧବିଶ୍ୱାସୀ, ଧର୍ମାନ୍ଧ, କୁଳାଙ୍ଗାର ।
ବଗୁଲିଆ ଯିଏ ବଡ ବଡ କଥା କୁହେ ଚୁଗୁଲି ବଗୁଲି
କରିବା ଅଟଇ ତାର ଧରମ,
ଅନ୍ୟ ବିରୁଦ୍ଧରେ ଗାଳି ଗୁଲଜ ନ କରି ରହି ପାରେନି
ଫୁଟାଣି ମାରିବା ତାର କରମ ।
ଡ୍ରାମାବଜୀରେ ତାର ସକାଳ ଆରମ୍ଭ ହୁଏ ଓ ନାଚିବା
ରେ ଖାଲି ତା ଦିନ ସରେ,
ନିଜ ଫାଇଦାରେ ସଦା ରହିଥାଏ ବିରୋଧୀଙ୍କୁ ମିଛୁଟା
ରେ ଜେଲରେ ଭରେ ।
ଗାନ୍ଧୀ ମହାତ୍ମାର ଅହିଁସାର ପୁର ନାହିଁ ଏବେ ସୁରକ୍ଷିତ
ସ୍ୱାର୍ଥରେ ହୋଇଛି ଅନ୍ଧ,
ନିଜ ସ୍ୱାର୍ଥ ଓ ଯାହା ଟଙ୍କା ବଳେ ଆସିଛି, ତାଙ୍କ ସ୍ୱାର୍ଥ
ପାଇଁ ପକାଉଛି ଏବେ ଫାନ୍ଦ ।
ଶସ୍ତା ତ ହୋଇଛି ଏବେ, ମିଥ୍ୟା ପ୍ରତିଶ୍ରୁତି, ପ୍ରତିବଦ୍ଧତା
ରାଜନେତାଙ୍କର ଯୋଜନ, ଯୋଜନ ଦୂର,
କେବଳ ଦିଅନ୍ତି ବୃଥା ପ୍ରତିଶ୍ରୁତି, ଯାହା ମରୀଚିକା, ଛଳନାମୟ,
ନହେବା ତାହାର ଶୀକାର ।
ତେଣୁ ହେ ମୋ ଭାରତର ସନ୍ତାନ ମାନେ ବିବେକ
ଖଟାଇ ହୁଅରେ ତୁମେ ଜାଗ୍ରତ,
ମିଛ ପ୍ରତିଶ୍ରୁତିରେ କେବେ ହଜାଅ ନାହିଁରେ ନିଜ
ଜନମଗତ ସ୍ୱାଧୀନତା ଓ ଅସ୍ତିତ୍ୱ ।
