ଅପରିଚିତ
ଅପରିଚିତ
ଅପରିଚିତ ଲୋକଙ୍କ ନିକଟରେ ମନ
ଥିବା ବେଳେ ଆମେ ହୁଏ ଉଦ୍ବେଗ ଆଚ୍ଛନ୍ନ ।
ନାନା ପ୍ରକାର ରେ ଭାବ ଜ।ଗଇ ମରମେ
କେତେ ଆଶା ଆଶଙ୍କା ଯେ ଜାଗୁ ଥାଏ ମନେ ।
ଆନନ୍ଦ ଉଲ୍ଲାସ ଉଦ୍ଦୀପନା ପୂର୍ଣ୍ଣ ଭାର
ଅରପଇ କେବେ କେବେ ହୁଏ ଶଙ୍କା କୁଳ ।
ସନ୍ଦେହ ପ୍ରକଟ ହେଉ ଥାଏ ନିରନ୍ତର
କିନ୍ତୁ ପରିଚିତ ସଙ୍ଗେ ମିଶଇ ଅନ୍ତର ।
ଆବେଗ , ଉଦବେଗ ସୃଷ୍ଟି କରି ଆଚମ୍ବିତ
କରେ ମନ ପ୍ରାଣ ଚିତ୍ତ ହୁଅଇ ଚକିତ ।
ରହସ୍ୟ ରୋମାଞ୍ଚ ଜ।ଗେ ଅପରିଚିତ ଙ୍କୁ
ପରିଚୟ ହେଲେ ସ୍ନେହ ପ୍ରେମ ଆନନ୍ଦ କୁ ।
ଧରି ତାଙ୍କ ସାଙ୍ଗେ ମିଶି ହରଷିତ ହୋଇ
ଆହ।ଲାଦ ଧାରେ ପ୍ରାଣ ଆମୋଦ ଯୋଗାଇ ।
ଶ୍ରଦ୍ଧା ଆଦର ବାତ୍ସଲ୍ୟ ମମତା ପରଶେ
ଅପରିଚିତ ଲୋକ ଯେ ଆଶ୍ଚର୍ଯ୍ୟ ବରଷେ ।
କେବେ କେବେ ସେହି ଦଗା ଦେଇ ଯାଏ ଚାଲି
ଅପରିଚିତ ଲୋକଙ୍କ ସ୍ବଭାବ କିପରି ।
ଜାଣିବା ର ପାଇଁ ମନେ ଉଠଇ ଉତ୍କଣ୍ଠା
ତାଙ୍କ ସଙ୍ଗେ ମିଶି ବାକୁ କଲେ ମନେ ଚେଷ୍ଟା ।
ତାହାଙ୍କ ସ୍ବଭାବ ହାବଭାବ ଆଗ ଦେଖି
ଅପରିଚିତ ଲୋକଙ୍କ ସାଥେ ଥାଉ ମିଶି ।