Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Durjyodhan Barik

Children

4  

Durjyodhan Barik

Children

ରଖିବା ଜଙ୍ଗଲ ମାନ

ରଖିବା ଜଙ୍ଗଲ ମାନ

1 min
348



ଶିଶୁ ଶାଗୁଆନ୍    ମହୁଲ ଅସନ

   ହରିଡା ବାହାଡା ଅଁଳା,

ଶାଳ ପିଆଶାଳ   ଗମ୍ଭାରୀ କଇଁମ

   ନାନା ଜାତି ଗଛ ମାଳା ।

ଉଚ୍ଚ ବୃକ୍ଷ ମାନ  ଘଞ୍ଚ ବଣ ବୁଦା

   ମନ ନେଇ ଯାଏ ଜିଣି,

ଦିଏ ଫଳମୁଳ   ଝରଣାର ଜଳ

    କୁଳୁ କୁଳୁ ମିଠା ପାଣି ।

ନେଉଳ ଖେଳୁଛି  ବୁଦା ଉହାଡରେ

    ସାପ ମାନେ ଲଣ୍ଡ ଭଣ୍ଡ,

ହରିଣ ଠେକୁଆ   କଟାସ ବିଲୁଆ

     ଏଣ୍ଡୁଅ ଟେକୁଛି ମୁଣ୍ଡ ।

କିଚିରି ମିଚିରି   ବଣି ଗାଉଥାଏ

    ଗୁଣୁଗୁଣୁ ମଧୁ ମକ୍ଷି,

ଧରା ପୃଷ୍ଠେ ନାଚେ   ଖୁସିରେ ମୟୂର

    ଆକାଶରେ ମେଘ ଦେଖି ।

ମତୁଆଲା ହୋଇ   ରସିକ ଭ୍ରମର

     ଫୁଲ ପାଶେ ଭ୍ରମୁ ଥାଏ,

ରଙ୍ଗିନୀ ଡେଣାକୁ   ମେଲି ପ୍ରଜାପତି

     ଫୁଲୁଁ ଫୁଲେ ଉଡ଼ି ଯାଏ ।

ସୁନ୍ଦର ଆମରି     ଜଙ୍ଗଲ ବନାନୀ

     ସକଳ ଜୀବ ଜୀବନ,

ଦିଏ ବର୍ଷା ଜଳ    ଔଷଧ ଔଷଧୀ

    ଚାଲ ରଖିବା ତା ମାନ । 

ଜଙ୍ଗଲ ଦିଅଇ   ଶୀତଳ ସମୀର

    ସୁସ୍ଥ ପରିବେଶ ଜାଣ,

ନଥିଲେ ଜଙ୍ଗଲ   ହେବ ମରୁଭୂମି

    ସଭିଙ୍କ ହେବ ମରଣ ।

    ରଖିବା ଜଙ୍ଗଲ ମାନ ।।


Rate this content
Log in