ନବମୀ ସାନ୍ଧ୍ଯ ଦର୍ଶନ
ନବମୀ ସାନ୍ଧ୍ଯ ଦର୍ଶନ
ଆଡପ ମଣ୍ଡପେ ବିଜେ କରିଅଛ
କାଳିଆ କଳା ବାମନ,
ସେ ପବିତ୍ର ସ୍ଥାନ କରିଲେ ଦର୍ଶନ
ପାପ ହୁଅଇ ଖଣ୍ଡନ ।
ନମୋ ପରଂବ୍ରହ୍ମ ନିତ୍ୟ ନିରଞ୍ଜନ
ମାଧବ ଚକାନୟନ,
ହର ଦୁଃଖୀ ଦୁଃଖ ଅଧର୍ମ କଳୁଷ
ବାରେ ଶ୍ରୀ ମଧୁସୂଦନ ।
ଜଗୁଆଳି ଭଳି ଶ୍ରୀକ୍ଷେତ୍ର ଜଗିଛ
ପଡେନି ନେତ୍ର ପଲକ,
ତୁମରି ନିର୍ଦେଶେ ସବୁ ଆତ ଜାତ
ବାଙ୍କ ଚାହାଣୀ ରେ ଦେଖ ।
ବରଷକେ ଥରେ ମାଉସୀ ଘରକୁ
ଭାଇ ଭଗ୍ନୀ ସାଥେ ନେଇ,
ବୁଲିବାକୁ ଯାଅ ମାଉସୀ ମନ୍ଦିର
ରୁହ ନବ ଦିନ ପାଇଁ ।
ମାଉସୀ ହାତରୁ ପୋଡପିଠା ଖାଅ
ପାଅ ଯେ କେତେ ଆଦର,
ଦଶମୀ ତିଥିଟି ହେଲେ ଉପନୀତ
ଫେରି ଆସ ଶ୍ରୀମନ୍ଦିର ।
ହେ କଳା ବାମନ ଜଗତ ଜୀବନ
ରହି ଥାଅ ଆଠ ଦିନ,
ନବମୀ ତିଥିରେ ସଂଧ୍ଯା ସମୟରେ
ହୁଏ ଶେଷ ଦରଶନ ।
ଜନମ ବେଦୀରେ ନବମୀ ତିଥିରେ
କରିଲେ ସାନ୍ଧ୍ୟ ଦର୍ଶନ,
ସାର୍ଥକ ହୋଇବ ଦୁର୍ଲ୍ଲଭ ଜୀବନ
ବୁଝି ଥାରେ ମୁଢ ମନ ।
ବାହୁଡା ଯାତ୍ରାର ପୂର୍ବ ଦରଶନ
ଜନମ ବେଦୀ ଉପରେ,
କରି ଭକ୍ତ ସବୁ ଧନ୍ଯ ହୋଇ ଥାନ୍ତି
ଆସନ୍ତି ବର୍ଷକୁ ଥରେ ।