ନବଯୌବନ
ନବଯୌବନ
କାଳିଆ ଠାକୁର ଏ କି ଲୀଳା ତୋର
ଗଲୁ ଅଣସର ଘର
ଭକ୍ତଙ୍କ ପାଖରୁ ଦୂରେଇ ରହିଲୁ
କହିଲୁ ହୋଇଛି ଜ୍ଵର ।
ଦଶମୂଳାରିଷ୍ଟ ଚେରମୂଳ ଖାଇ
ପାଞ୍ଚ ଦିନେ ଭଲ ହେଲୁ
ପୁଣି ମିଛ କହି ଶରୀ ପିଡା ବୋଲି
ଶଜ୍ଯାରେ ପଡି ରହିଲୁ ।
ଓଡ଼ିଆ ମଠର ଫୁଲୁରି ତଇଳ
ତୋର ପାଇଁ ଅଣା ହେଲା ,
ଆଉ ପାଞ୍ଚ ଦିନ ତୈଳ ମର୍ଦ୍ଦନ ରେ
ତୋର ବ୍ଯଥା ଛାଡ଼ି ଗଲା ।
ଶ୍ରୀକ୍ଷେତ୍ରରେ ଥିବା ବଡ଼ ଓଡ଼ିଆ ମଠ
ଫୁଲୁରି କରେ ପ୍ରସ୍ତୁତ,
ଫୁଲୁରି ତେଲର ପ୍ରସ୍ତୁତ ପ୍ରଣାଳୀ
ଲେଖିବା କରି ବିସ୍ତୃତ ।
ଔଷଧୀୟ ଗୁଣ ସୁଗନ୍ଧ ସମ୍ପନ୍ନ
ମଲ୍ଲି କିଆ ଧାନ ଫୁଲ
କେତକୀ ସହିତ ବେଣା ଚେର ମିଶେ
ଘଣା ପେଡା ରାଶି ତେଲ ।
ମିଶ୍ରିତ ଦ୍ରବ୍ଯକୁ ହେରା ପଞ୍ଚମୀରେ
ମାଟି ତଳେ ପୋତା ଯାଏ
ଏକ ବର୍ଷ କାଳ ମାଟି ତଳେ ରହି
ଔଷଧୀୟ ଗୁଣ ପାଏ ।
ଜଗତ ବାସୀଙ୍କୁ ଜଣାଇ ଦେଉ ତୁ
ଦେହ ଥିଲେ ଜ୍ଵର ହୁଏ,
ତୁହିତ ଦଇବ ତୁ ପୁଣି ବଇଦ
ଆରୋଗ୍ୟ କରିବ କିଏ ।
ଏକ ବର୍ଷ ହେଲା ଦେହରେ ତୋହର
ଯେତେ ମଳି ଲାଗି ଥିଲା
ପାଞ୍ଚ ଦିନ ପାଇଁ ମାଲିସ ହୋଇଲୁ
ସବୁ ମଳି ଛାଡି ଗଲା ।
ଦିଶିଲା ସୁନ୍ଦର ଶରୀର ତୋହର
ନବ ଯଉବନ ବେଶ,
ଭକ୍ତ ଗଣ ସର୍ବେ ଦର୍ଶନ କରିଲେ
ହୋଇଲା କଳୁଷ ନାଶ ।