ଅଣସରରେ ଜଗନ୍ନାଥ

ବୈଶାଖ ପୂର୍ଣ୍ଣିମା  ଚନ୍ଦନ ଲେପନ

ଜ୍ଯେଷ୍ନ ପୂର୍ଣ୍ଣିମାରେ ଧୋଇ,

ଶହେଆଠ ଗରା  ସୁନା କୂପ ଜଳେ

ସ୍ନାହାନ କରିଲ ସାଇଁ. ।

ଜନ୍ମ ବେଦୀ ପରେ  ସ୍ନାହାନ କରୁଛ

ସାଥିରେ ଭଉଣୀ ଭାଇ,

ସେ ଦୃଶ୍ୟ ଦେଖିଲେ  ଭକ୍ତ ଜନ ଦେହୁ

ସର୍ବ ପାପ ଯାଏ ଧୋଇ ।

ମନର କଳ୍ପନା   ଶିଳ୍ପୀର ରଚନା

ଗଜାନନ ବେଶ ପାଇଁ,

ଗଣପତି ବେଶ   ଅତୀବ ସୁନ୍ଦର

ମନ ନେଇ ଥାଏ ମୋହି ।

ଗଜାନନାମୃତ   ବେଶ ଦୃଶ୍ୟ ଅନ୍ତେ

ଅଣସର ଗୃହେ ଗଲ,

ଥଣ୍ଡା ଜ୍ଵରେ ଏବେ   ଆକ୍ରାନ୍ତ ହୋଇଛ

ବଇଦ କରିବ  ଭଲ ।

ଅଣସର ଗୃହେ  ରହିବ ଠାକୁରେ

ପନ୍ଦର ଦିନଟି ପାଇଁ ।

ମାଉସୀ ଘରକୁ  ଯିବା ପାଇଁ ମନ

ହେଉଥିବ ହାଇଁପାଇଁ  ।

ପ୍ରଚଣ୍ଡ ଗରମ  ଭୋଗୁଛ ସଭିଏଁ

ଅଣସର ଘରେ ରହି,

ଫୁଲୁରି ତେଲରେ  ଚିକିତ୍ସା ହେଉଛ

ବ୍ଯଥା ଉପଶମ ପାଇଁ ।

ଗୃହରୁ ବାହାରି  ରଥେ ବିଜେ କରି

ମାଉସୀ ମନ୍ଦିର ଯିବ,

ବଡଦାଣ୍ଡେ ପ୍ରଭୁ  ଭକତ ମାନଙ୍କୁ

ଶୁଭ ଦରଶନ ଦେବ ।।