ବଡ ଉପକାରୀ ଦହି

ବହୁ ଉପକାରୀ ଉପାଦାନ ଭରିରହିଛି  

ନାଆଁଟି ତାର ଦହି ।

ନିୟମିତ ରୂପେ ଦହି ଯେବେ ଖାଇବ

ଖାଦ୍ୟ ହଜମ ହୁଅଇ ।।

କ୍ୟାଲସିୟମ ଭରପୂର ଗଢା ମୋ ଶରୀର 

ସୁସ୍ଥ ଅସ୍ଥି,ଦାନ୍ତ ପାଇଁ ଦରକାର ।

ଶରୀର ଓଜନ ନିୟନ୍ତ୍ରଣ ରଖିବାକୁ ହେଲେ 

କରିବ ମୋର ବ୍ୟବହାର ।।

ଉଚ୍ଚ ରକ୍ତଚାପ ବ୍ୟକ୍ତି ଯେବେ ଦହି ଖାଏ

ରକ୍ତଚାପ ତା ନିୟନ୍ତ୍ରିତ ହୁଏ ।

ନିୟମିତ ଭାବେ ତାର ସେବନ କରିଲେ 

ହୃତପିଣ୍ଡ ତା ସୁସ୍ଥ ରହେ ।।

ଖିର ଖାଉଥିବା ବ୍ୟକ୍ତିର ଅଜୀର୍ଣ୍ଣ ହୋଇଲେ

ଖାଇପାରିବେ ସେ ଦହି ।

କାରଣ ତହିଁରେ ଅଜୀର୍ଣ୍ଣ କରିବା ଉପାଦାନ 

ଲାକ୍ଟୋସ୍ ନାହିଁ ।।

ରୋଗ ପ୍ରତିରୋଧକ ଶକ୍ତି ବଢାଇବାରେ ଦହି

ସହାୟ ହୁଏ ।

ଭିଟାମିନ୍-ଡି ଏବଂ ଇ ସମେତ ଜିଙ୍କ୍ ତହିଁରେ 

ଭରପୁର ଥାଏ ।।

ମୁଣ୍ଡରେ ଯେବେ କେବେ ରୂପି ହୋଇବ

ଦହିରେ ତାର ଉପଚାର କରିବ ।

ଶରୀରରୁ ଅଦରକାରୀ ମେଦ କମାଇବ

ତ୍ବଚା ତୁମ ଉଜ୍ଜ୍ଵଳ ଦିଶିବ ।।