ଋତୁରାଜ ବସନ୍ତ

ବସନ୍ତର ଆଗମନ ଦେଖି

ଶୀତ ଯାଇଅଛି ଲୁଚି ।

ନାନା ରଙ୍ଗର ଫୁଲ ଫୁଟି

ଧରା ରଙ୍ଗୀନ୍ ଲାଗୁଛି ।।

ଆମ୍ବ ବଉଳର ବାସ୍ନା ନେଇ

ମଳୟ ପବନ ବହଇ ।

କୋଇଲିର କୁହୁକୁହୁ ସ୍ବର

ସଭିଙ୍କ ମନ ନିଏ ମୋହି ।।

ପଳାଶ ଶିମିଳି ଫୁଲରେ

ଧରା ଦିସେ ଲୋହିତ ।

ମନ ମୋହିଥାଏ ବକୁଳ କାଞ୍ଚନ

ମାଧବ ଫୁଲର ବାସ ।।

ଆଣିଥାଏ ଖୁସି ଦୋଳ ଯାତରା

ଦୋଳ ମଣ୍ଡପେ ବିଜେ ରାଧାକୃଷ୍ଣ ପରା ।

ଭକ୍ତ ଭଗବାନଙ୍କର ହୋଲି ଖେଳରେ

ଏ ଧରା ଦିସଇ ତୋରା ।।

ସାତ ରଙ୍ଗ ନେଇ ସାଥିରେ

ଦେଖ ଆସିଛି ହୋଲି ।

ମିଳିମିଶି ହୋଇ ଖେଳିବା ରଙ୍ଗ

ନିଜ ମଧ୍ୟେ ଶତ୍ରୁତାକୁ ଭୁଲି ।।

ସ୍ନେହ ପ୍ରେମ ରଙ୍ଗରେ

ସଭିଙ୍କୁ ଦେଲେ ରଙ୍ଗେଇ ।

ମଜବୁତ୍ ହେବ ସମ୍ପର୍କର ଡୋର

ସୁଖ ଶାନ୍ତି ରଙ୍ଗ ହୋଇ ।।

ନା ଅଛି ଖରା ନା ଅଛି ଶୀତ

ନା ବରଷା କରଇ ହନ୍ତସନ୍ତ ।

ଋତୁ ମାନଙ୍କ ରାଜା ସେହି

ସଭିଙ୍କ ମିତ ଋତୁରାଜ ବସନ୍ତ ।।