ପକ୍ଷୀଟିଏ ମୁଁ ପକ୍ଷୀଟିଏ

ପକ୍ଷୀଟିଏ ମୁଁ ପକ୍ଷୀଟିଏ

ଉଡଇ ଖୋଲା ଆକାଶେ

ଦିନଯାକ ଆହାର ଖୋଜି

ସଞ୍ଜରେ ବସାକୁ ଆସେ

ଗଛ ଡାଳେ ପତର ମେଳେ

ଛୋଟ ବସାଟେ ମୋର

ବସାରେ ଯେବେ ରହଇ ମୁଁ

ପାଏ ସୁଖ ସରଗର

ବଣ ଜଙ୍ଗଲର ଫୁଲଫଳ

ଅଟେ ତ ମୋ ଆହାର

ନିରୀହ ପକ୍ଷୀଟିଏ ମୁହିଁ

କ୍ଷତି କରେନି କାହାର

ନ ଥାଏ କିଛି ସୀମା ନିୟମ

ପକ୍ଷୀଟିଏ ମୁଁ ସ୍ଵାଧୀନ

ଖୁସିରେ ସର୍ବତ ଉଡି ବୁଲେ

ନଥାଏ ବାଧା ବନ୍ଧନ

ଲୋଡା ନାହିଁ ସୁନା ପଞ୍ଜୁରି

ନା ଲୋଡା ଦୁଧଭାତ

ମୁକ୍ତ ହୋଇ ଉଡିବାକୁ ଇଛା

ଗାଇ ଶାନ୍ତିର ଗୀତ