ଲାଇବ୍ରେରୀ
ପ୍ରୋଫାଇଲ୍
ତୋପରି କିଏସେ କାହିଁ ?
ତୋପରି କିଏସେ କାହିଁ ?
1 min
211
ଜହ୍ନମାମୁଁକୁ ତୁ ହାତ ଠାରି ଡାକୁ
ମୋ ସାଥେ ଖେଳିବା ପାଇଁ
ଶୋଇଦେଉ ମୋତେ ନରମ ଶେଜରେ
ମନ ଛୁଆଁ ଗୀତ ଗାଇ
ବୋଉ ମୋ ବୋଉ
ଏତେ ଆପଣାର ଏତେ ମୋ ନିଜର
ତୋ ପରି କିଏ ସେ କାହିଁ ?
ଆଉଁସି ଦେଲେ ତୁ ଅପସରି ଯାଏ
ଜୀବନର ସବୁ ଦୁଖ
କୋଳରେ ତୋହର ମୁଣ୍ଡ ଗୁଞ୍ଜିଦେଲେ
ମିଳଇ ସରଗ ସୁଖ
କେତେ ଯେ ଯାତନା ସହିଛୁ ମୋ ପାଇଁ
ହିସାବ ରଖିନି କେହି
ବୋଉ ମୋ ବୋଉ
ସ୍ନେହ ମମତାର ପାରାବାର ତୁଯେ
ମୋ ପାଇଁ ଶରଧା ନଈ .
ତୋପରି କିଏସେ କାହିଁ ?
କହିବାକୁ ମୋତେ ଶିଖାଇଛୁ କଥା
ଶିଖାଇଛୁ କେତେ "ବୋଲି"
ତୋ ଲାଗି ଆଜି ମୁଁ ଦୁରୁଗମ ପଥେ
ସଳଖି ପାରୁଛି ଚାଲି
ମୋ ବୁକୁର କୋହ ମୋ ଆଖିର ଲୁହ
ତୁ ଜମା ପାରୁନା ସହି
ବୋଉ ମୋ ବୋଉ
ଆଶିଷରେ ତୋର ଅମାରାତି ମୋର
ନିମିଷକେ ଯାଏ ପାହି
ତୋପରି କିଏସେ କାହିଁ ?
