ଲାଇବ୍ରେରୀ
ପ୍ରୋଫାଇଲ୍
କରିବାନି ଜମା ହେଳା
କରିବାନି ଜମା ହେଳା
1 min
266
ଜାମୁକୋଳି କଳାକଳା
ଗାତ ହେଉଅଛି ଖୋଳା
ପଡିଆଟା ସାରା ଗଛ ଭରିଦେଇ
ପାଣି ଦେବା କରି ମଳା ll
ଗୋବର ପାଣିର ଘୋଳା
ଲିପା ହେଉଅଛି ଖଳା
ଧାନ ପାଚିଲାଣି କଟା ହେବ ଏବେ
ଗଦାମରାହେବ ହଳା ll
କପା ହେଉଅଛି ତୋଳା
ବାହାରେ ସେଥିରୁ ତୁଳା
ତୁଳାରୁତ ସୂତା ସୂତାରୁ ତ ଲୁଗା
ତୁଳା ପରା "ସୁନା" ଧଳା ll
ଛୁଟିହେଲା ପାଠଶାଳା
ସାପ ଖେଳାଉଛି କେଳା
ସାପ ଯେତେବେଳେ ଫଣା ଟେକିଦିଏ
ପିଲାଏ କରନ୍ତି ରୋଳା ll
ତେଲ ମାପିବାକୁ ପଳା
ନଈରେ ଭାସୁଛି ଭେଳା
ଆଜି ପାଠ ଆଜି ସାରିଦେବା ଆମେ
କରିବାନି ଜମା ହେଳା ll
