ଲାଇବ୍ରେରୀ
ପ୍ରୋଫାଇଲ୍
ଇତିହାସ ନୂଆ ଇତିହାସ
ଇତିହାସ ନୂଆ ଇତିହାସ
1 min
206
ଗାନ୍ଧୀ ମହାତ୍ମା ହେ ଯୁଗ ପୁରୁଷ
ଶାନ୍ତିର ପୂଜାରୀ ମୋହନ ଦାସ
ସ୍ୱାଧୀନତା ପାଇଁ ମହାସମର
ସେନାପତି ତୁମେ ହୋଇଲ ତାର
ଅହିଂସା ମନ୍ତରେ ଲେଖିଗଲ ତୁମେ
ଇତିହାସ ନୂଆ ଇତିହାସ ..
ଡାକରେ ତୁମର କି ମହୁ ଥିଲା
ସବୁ ମଣିଷଙ୍କୁ ଏକାଠି କଲା
ଛାଡି ଆସିଲାକେ ବଡ ଚାକିରୀ
ପଦ ପଦବୀକୁ ଦେଇ ପାଶୋରି
ସାରା ଦେଶବାସି ହସି ହସି ଆସି
ସ୍ୱାଧୀନତା ରଣେ ଦେଲେ ତ ଝାସ .
ଇତିହାସ ନୂଆ ଇତିହାସ....
କମାଣ ମୂନକୁ ନଥିଲା ଡର
ସହୁଥିଲେ କେତେ ଲାଠି ପାହର
ଜନମ ଭୂଇଁର ମୁକତି ପାଇଁ
କେତେଯେ ସଂଗ୍ରାମୀ ଯାତନା ସହି
ଅନ୍ଧ କୋଠରୀରେ ବନ୍ଦୀର ଜୀବନ
ତଥାପି ନଥିଲା ମନରେ ରୋଷ
ଇତିହାସ ନୂଆ ଇତିହାସ....
ଏମିତି ଲଢେ଼ଇ ଏମିତି ରଣ
ସତ୍ୟ ସାରଥୀ ଅହିଂସା ବାଣ
ଫିରିଙ୍ଗି ଫଉଜ ବୁଦ୍ଧି ହଜିଲା
ଅହିଂସା ଆଗରେ ମଥା ନଇଁଲା
ମୁକତି ଲଭିଲା ଭାରତ ଜନନୀ
ତ୍ରିରଙ୍ଗା ଓଠରେ ଫୁଟିଲା ହସ
ଇତିହାସ ନୂଆ ଇତିହାସ
ଇତିହାସ ନୂଆ ଇତିହାସ....
