ରହିଛି ମୁଁ ଚାହିଁ
ରହିଛି ମୁଁ ଚାହିଁ
ଆସିବା ଦିନ ଠୁ ତୁମେ
ଆଖିକୁ ମୋ ନିଦ ନାହିଁ ଶୀତରାଣୀ
ନିରେଖି ଦେଖୁଛି ମୁଁ ଚଉପାଶେ ଆକାଶକୁ
ତୁମ କଥା ଭାବି ଭାବି ବସି
ମନ ଲାଗେ ଖୁସି ।
ଭଲ ଲାଗେ ତାପିବାକୁ ତୁମ ପ୍ରାତଃ
ଉଷୁମ କିରଣ
ସଜଫୁଟା ଗୋଲାପରେ ମୁକ୍ତା ବିନ୍ଦୁ
କାକର ଟୋପାକୁ ଦେଖି
ବଢିଯାଏ ପ୍ରବଣତା
ଶବ୍ଦ ଖୋଜି ପାଏ ନାହିଁ ମନ ,
କିଛି କଥା ବର୍ଣ୍ଣିବାକୁ ଚେଷ୍ଟାକରେ
କାଗଜ କଲମ
ରହିଯାଏ ବହୁ କିଛି ଅପ୍ରକାଶ୍ଯ
ହୃଦୟେ ଗୋପନ ।
ସଜଗ ମୁଁ କର୍ଣ୍ଣପାତି ରହି ଅଛି ଚାହିଁ
ଚୁପି ଚୁପି କାଳେ କିଛି ଶୀତରାଣୀ
କହିଦେବ ଇଙ୍ଗିତରେ ନୂଆ କଥା
ଖୋଜି ମୁଁ ପାଇବି ମୋତେ
ହୃଦୟକୁ ଯିବ ମୋର ଛୁଇଁ ।