ଅଜଣା ଚିଠି

ଅଜଣା ଚିଠିରେ ଭରି ରହିଥାଏ

  ଖୁସି ସାଥେ ଭୟ ମିଶା

କିଏ ସେ ଦେଇଛି କେଉଁଠୁ ଆସିଛି

  କେତେ ପ୍ରଶ୍ନ କେତେ ଆଶା  

କେବେ ପ୍ରେମ ଚିଠି କେବେ ଶୋକ ଚିଠି

  ଚିଠି ର ଅନେକ ରୂପ

ଅଜଣା ଚିଠି ତ କୁହୁକ ପରିକା

  ସହଜେ ମିଳେନା ମାପ  

ଗୁପ୍ତ କଥା ଲେଖି ଦେଇ ଥାଏ କିଏ

  ଦୂରରୁ ଅଜଣା ଚିଠି

କିଏ ଲେଖି ଥାଏ ମନର ବ୍ୟଥାକୁ

   ବାରମ୍ବାର ଲେଖା କାଟି  

ଅଜଣା ଚିଠି ତ ଦୁଇଧାରୀ ଖଡ୍ଗ

  ବଢାଏ ହୃଦୟ ଗତି

ସୁନ୍ଦର ସଂସାର କେବେ ଭାଙ୍ଗି ଦିଏ

  ଦିନ ହୋଇଯାଏ ରାତି  

କ୍ରୋଧକୁ ସମ୍ଭାଳି ଅଜଣା ଚିଠିକୁ

  ଖୋଲିକି ପଢ଼ିବା କଥା

ନହେଲେ ଜୀବନେ ସବୁ ଚାଲିଯିବ

  ନଇଁ ଯିବ ତୁମ ମଥା ...........।