ଓଦା ଗାମୁଛା
ଓଦା ଗାମୁଛା
1 min
10
କାନ୍ଧରେ ଯେବେ ପଡିକି ଅଛି
ଗାମୁଛା ହୋଇ ଓଦା
ଲାଗେନି ଜମା ଦେହକୁ କଷ୍ଟ
କାଟେନି ଖରା ବାଧା ।
ଯିବାକୁ ହେଲେ ତେଜ ଖରାରେ
ଜରୁରୀ କାମବେଳେ
ଭୁଲନ୍ତୁ ନାହିଁ ଓଦା ଗାମୁଛା
ନେବାକୁ କେବେହେଲେ ।
କାନ ମୂଳରୁ ଭିଡି କଷିକି
ମୁଣ୍ଡକୁ ଦେଲେ ବାନ୍ଧି
ସଳଖ ଯାଇ ସୂର୍ଯ୍ଯ କିରଣ
ପାରିବ ନାହିଁ ଭେଦି ।
ଘଡିଏ ବସି ଛାଇ ଜାଗାରେ
ପୋଛିଲେ ଦେହ ଝାଳ
ଲାଗଇ ଥଣ୍ଡା ଭାରି ସତେଜ
ଲାଗି ଗାମୁଛା ଜଳ ।
ସାଥି ଆମର ଓଦା ଗାମୁଛା
ଓଡ଼ିଆ ସ୍ବାଭିମାନ
ଥିଲେ ସାଥିରେ ଖଣ୍ଡେ ବିପଦ
ରାତ୍ର ହେଉ ବା ଦିନ ।।