ପୂଜ୍ୟ ମୋ ପିତା ମାତା

ସଂସାରେ ସ୍ୱଦେହେ ଚଳନ୍ତି ଈଶ୍ବର

ପିତା ମାତା ଦୁର୍ମୂଲ୍ୟ,

ନିଷ୍କାମ ଚିତ୍ତରେ ଆଉ କିଏ ଭଲା

ପାଇପାରେ ଏତେ ଭଲ। [୧]

ଯାହା ପାଇଁ ଆମ ଜୀବନ ସର୍ଜନ

ମହୀରେ ହେଲୁ ଭୂମିଷ୍ଠ ,

କଢିରୁ ସୁନ୍ଦର ଫୁଲେ ପ୍ରସ୍ଫୁଟିତ

ମାଳି ସିଏ ସର୍ବଶ୍ରେଷ୍ଠ । [୨]

ଆଦ୍ୟ ଗୁରୁ ଆମ ଜୀବନେ ସଂସ୍କାର

ପିତା ମାତାଙ୍କର ଦାନ,

ସନ୍ତାନ ପାଇଁକି ହସି କରିଥାନ୍ତି

ସଦା ଆତ୍ମ ବଳିଦାନ । [୩]

ସଫଳତା ଉଚ୍ଚ ଶିଖରକୁ ଯାଇ

ଅରଜି ଅଶେଷ ଯଶ,

ବୃଦ୍ଧ ପିତା ମାତା ସେବା ନକରିଲେ

ବୃଥା ସବୁ ମାନ ଯଶ। [୪]

ମନ୍ଦିରକୁ ଯାଇ ପୂଜିବା ଆଗରୁ

କାଷ୍ଠ ପାଷାଣ ଦେବତା,

ଘରେ ଆସ ଆଗ ପୂଜିବା ଠାକୁର

ଆମ ପୂଜ୍ୟ ପିତାମାତା। [୫]