ପ୍ରଖ୍ୟାତ ଚୋର
ପ୍ରଖ୍ୟାତ ଚୋର
ଚୋର ଭିତରେ ପ୍ରଖ୍ୟାତ ଚୋର
ଅଛି ସମଗ୍ର ଦେଶରେ,
ଚୋରି କରି ସେ ପେଟ ପୋଷଇ
ତୁମର ଆଖି ଆଗରେ l(1)
ଯେତେ ବିରାଟ ସାମଗ୍ରୀ ହେଉ
ତାକୁ ସେ ଚୋରି କରଇ,
ପ୍ରଥମେ ଖାଏ ତାପରେ ନିଏ
ଗୃହେ ସାଇତିବା ପାଇଁ l(2)
ଗୋରା ବେପାରୀ ପରି ଏ ଚୋର
ଜିନିଷ କରେ ହରଣ
ଯାଦୁଗରର ଯାଦୁ ପରି ସେ
ଚକ୍ଷୁକୁ କରେ ବନ୍ଧନ l(3)
ସବୁ ଦେଖିବ ନିର୍ବାକ ପରି
ପାଟି ଜମା ନ ଫିଟିବ,
ସବୁ ଜିନିଷ ତୁମ ଗୃହରୁ
ବୋହି ନେଇ ଚାଲିଯିବ |(4)
ହାତରେ ତାର ଚୋରଙ୍କ ପରି
ଆଣି ନ ଥାଏ ସେ ଅସ୍ତ୍ର,
ଅର୍ଥ ଲୋଭରେ କାହାରିକୁ ସେ
କରି ନ ଥାଏ ନିବସ୍ତ୍ର l(5)
କାହାର କ୍ଷତି ସିଏ ନ କରି
କେବଳ ଚୋରି କରଇ,
ଗୁଣ୍ଡାଙ୍କ ପରି ଗୁଣ୍ଡାମି ସିଏ
କାହାକୁ ଡରାଏ ନାହିଁ l(6)
ତସ୍କରମାନେ ରାତି ଆସିଲେ
ଜାଗ୍ରତ ହୋଇ ଉଠନ୍ତି,
ଡକାୟତୀକୁ ଭୟ ନ କରି
ଦିନ ରାତି ବୁଲୁଥାନ୍ତି l7)
କେଉଁଠି କେଉଁ ଜିନିଷ ଅଛି
କୁକୁରମାନଙ୍କ ପରି,
ଶୁଙ୍ଘି ଶୁଙ୍ଘି କମ ସମୟରେ
ପାରନ୍ତି ସେ କାବୁ କରି l8l
ଆଘ୍ରାଣ କରି କାବୁ କରଇ
ଯେତେକ ଦ୍ରବ୍ୟଗୁଡିକ,
ଶୁଙ୍ଘିବାରେ ତ ପାରଦର୍ଶିତା
ଲାଭ କରିଛି ତା ନାକ l9l
ଯେତେ ମହଲା କୋଠାକୁ ମଧ୍ୟ
ଗୋଧି ଚଢିଗଲା ପରି,
ସଦଳ ବଳରେ ଚଢି ଯାଆନ୍ତି
ଦ୍ରବ୍ୟ କରିବାକୁ ଚୋରି l10l
ଲକ୍ଷ୍ମଣ ରେଖା ପରି ସେ ଧାଡି
ଦେଖିଲେ ଲାଗେ ସୁନ୍ଦର,
ଦାଣ୍ଡନାଚର ଦଣ୍ଡୁଆ ପରି
ଗତି କରନ୍ତି ପ୍ରଖର l 11l
ଚୋରମାନେ ଯା' ଘରେ ପଶନ୍ତି
ସର୍ବେ ଏକଜୁଟ ହୋଇ,
କୁଲି ଜିନିଷ ବୋହିଲା ପରି
ନିଅନ୍ତି ଘରକୁ ବୋହି l12l
ରେଳ ଲାଇନ ପରି ସେ ଧାଡି
ବହୁ ସେ ଲମ୍ବିଥାଏ ,
ରେଳର ଗତି ପରି ସେମାନେ
ଗୃହ ଅଭିମୁଖେ ଧାଏଁ l13l
ଗୃହ ତାଙ୍କର ଅତି ସୁନ୍ଦର
ଚମ୍ବଲ ଉପତ୍ୟକା ପରି,
ଗଭୀର ଗାଢ଼ ସୁଡଙ୍ଗ ଦ୍ୱାରା
ଦିଶେ ଅନ୍ଧକାର ଭାରି l 14l
ଯେଉଁ ତସ୍କର ପୋଲିସଙ୍କର
ନାଁ ଶୁଣି ଭୟ କରନ୍ତି ,
ଏ ଚୋର ମାନଙ୍କୁ ପୋଲିସ ମାନେ
ଦେଖିଲେ ଡରିଥାନ୍ତି l 15l
ଏ ଚୋରକୁ ରଖିବା ପାଇଁ
ଯେଉଁ ଲୋକ,
ବା ପୋଲିସ ଧରେ
ସମସ୍ତଙ୍କୁ ସେ ଚୋବାଏ l 16l
ଭୟରେ କେହି ତାହାର ପାଖ
ଜମା ମାଡ଼ିନଥାନ୍ତି,
ସମସ୍ତଙ୍କୁ ସେ ଚୋବାଇ ଥାଏ
ନାମ ତାର କିଏ ଜାଣନ୍ତି l 17l
ସବୁ ଦୋକାନୀ ସବୁରି ଘରେ
ଅଡ୍ଡା ଜମାଇ ରହନ୍ତି,
ଯେତେ ଜିନିଷ ସବୁ ଚୋରାଇ
ଛଡ଼ାଇଲେ ଚୋବାଇଥାନ୍ତି l 18l
ଆମର ଖାଇ ଚୋବାଇଥାଏ
ଭାରି ସାହସ ତାର,
ଫୁଙ୍କିଦେଲେ ସେ ଯିବରେ ଉଡି
ଦେଖାଏ ଭାରି ମଦାର l 19l
ଶୟନ ବେଳେ ତୁମ କାନରେ
ଧୀରେ ଧୀରେ ପଶିଯାଇ,
ଟାଣି ଟାଣି ସେ ବାହାର କରେ
ତୁମ କର୍ଣ୍ଣରୁ କାଡିଥାଏ ଗଇ l20l
ସେହି ସମୟେ ତୁମ କାନକୁ
କେମିତି ମଜା ଲାଗଇ,
ଗର୍ଜନ କରି ପାଣି ଆଣରେ
କାନ ମୋର କି ଟାଣଇ l 21l
ଯେତେ ମିଷ୍ଟାନ ଜିନିଷ ସବୁ
ପ୍ରଥମେ ସେ ଭୁଞ୍ଜିଥାଏ,
ତା ପରେ ଯେତେ ପ୍ରାଣୀ ଜଗତ
ତାର ଅଇଁଠାକୁ ଖାଏ l22l
ଛୋଟିଆ ଯିବ ଅଟଇ ସେ
ସନ୍ଧିପଦରେ ସେ ଭୁକ୍ତ,
ନର ରକତ ପରି ତା ଦେହ
ଯେତେ ମିଷ୍ଟାନର ଭକ୍ତ l23l
ନାମଟି କହିଲେ ଚକିତ ହେବ
ଅବିଶ୍ୱାସେ ଦେବ ହୁଡ଼ି,
ଛଅଟି ପାଦ ତାହାର ଅଛି
ନାମଟି ତାହାର ପିମ୍ପୁଡି l 24l
ଧନ୍ୟ ଜୀବନ ଧନ୍ୟ ମହାନ
ତୋର ଏହି ସଂସାରରେ,
ଚୋର ମାନଙ୍କର ତୁ ଦେବତା
ତୋହରି ଭକ୍ତ ଆମେରେ l25l