ପ୍ରଜାନୁରଞ୍ଜକ ହେ ଶ୍ରୀରାମଚନ୍ଦ୍ର

ଖ୍ଯାତ ସୂର୍ଯ୍ଯବଂଶ ରଘୁକୁଳେ ଜାତ

ରାଜା ଦଶରଥ ସୁତ

ପ୍ରଜାନୁରଞ୍ଜକ ହେ ଶ୍ରୀରାମଚନ୍ଦ୍ର 

ପଦ୍ମପାଦେ ପ୍ରଣିପାତ ।

ତ୍ରେତୟା ଯୁଗରେ ବିଷ୍ଣୁ ଅବତାର

ରାଜନ ପୁରୁଷୋତ୍ତମ 

ଆଦର୍ଶ ଚରିତ୍ର କରଇ ବର୍ଣ୍ଣନା

ମହାକାବ୍ୟ ରାମାୟଣ ।

ପିତୃସତ୍ୟ ପାଳି ଚଉଦ ବରଷ

ବରିନେଲ ବନବାସ 

ସଙ୍ଗେ ଗଲେ ମାତା ସୀତା ଓ ଲକ୍ଷ୍ମଣ

ରାଜଭୋଗ ମଣି ତୁଚ୍ଛ ।

ବୀର ସତ୍ଯସନ୍ଧ ହୋଇ ଅବିଚଳ

ବଧିଲ ଦୁଷ୍ଟ ରାବଣ

ପ୍ରତିଷ୍ଠା କରିଲ ସତ୍ଯ ଧର୍ମ ନ୍ଯାୟ

ପାପତାପ ବିନାଶିଣ ।

ପ୍ରଜାଙ୍କ ସନ୍ଦେହ ମୋଚନ ନିମନ୍ତେ

ଆତ୍ମ ସୁଖ କରି ତ୍ଯାଗ 

ସୀତା ଦେବୀ ସତୀ ଜାଣିଥିଲେ ମଧ୍ଯ 

କଲେ ନିର୍ବାସନ ଭୋଗ ।

ଅପ୍ରତିମ ଶ୍ରେଷ୍ଠ ଅନନ୍ଯ ଚରିତ୍ର 

ବଚନେ ପ୍ରତିବଦ୍ଧତା

ବିରାଜୁଛ ପ୍ରଭୁ କୋଟି ସୂର୍ଯ୍ଯସମ 

ଧନ୍ଯ ତେଜ ପରାକାଷ୍ଠା ।

ଏହି ଚନ୍ଦ୍ର ସୂର୍ଯ୍ଯ ଗିରି ହିମାଳୟ

ରହିଥିବେ ଯେତେଦିନ 

ରହିବ ଅକ୍ଷୟ ହୃଦେ ସ୍ବର୍ଣ୍ଣାକ୍ଷରେ

ରାମନାମ ଚିରନ୍ତନ ।