ପ୍ରିୟତମା
ପ୍ରିୟତମା
ସଜଳ ଆଖିର କଜଳ ଇଶାରା
ମନରେ ଭରସା ଦେଇ,
ମହୁମଖା ତୁମ ଓଠର ପରଶ
ଭୁଲି ମୁଁ ପାରିବି ନାହିଁ l
ତୁମ ମନବନେ ଫଗୁଣ ଛୁଇଁଲେ
ମନେ ମୋର ମଳୟ ବହେ,
ଲାଲିମା ଓଠରୁ ତୁମ ଝରିଲେ ମହୁ
ମନ ମୋର ମହୁଆ ହୁଏ l
ତୁମ ସ୍ୱପ୍ନର ଜ୍ୟୋତ୍ସ୍ନା ଜୁଆର
ମନେ ମୋର ସପନ ଛାଇ,
ଚାନ୍ଦିନୀ ରାତିର ଚନ୍ଦନ ଶୀତଳେ
ତୁମ କାନି ଛୁଏଁ ଗୀତ ଗାଇ l
ତୁମେ ମୋର ପ୍ରିୟ ମୋର ଜୀବନର
ତୁମେ ମୋର ମଧୁଛନ୍ଦା ମଧୁରିମା,
ତୁମ ବିନା ଆନ ନାହିଁ ଏ ଜନମେ
ତୁମେ ମୋର ପ୍ରିୟସୀ ପ୍ରିୟତମା l