ଲୁହ ନଈ
ଲୁହ ନଈ
ଲୁହ ନଈର ନାଉରୀଟିଏ ମୁଁ
କାତ ମୋର ପାଉନାହିଁ
ଭାସି ପାରୁନାହିଁ ବୁଡ଼ି ପାରୁନାହିଁ
କାଳ ବୈଶାଖୀର ଝାଇଁ
ଖୁସିର ଶେଫାଳି ଗଲାଣି ମଉଳି
ଲୋଟେ ମାଟି କୋଳେ ଯାଇ
ମାଟି କି ବୁଝିବ ତା' ମନ ଦରଦ
ଶୁଖିଲା ଟାଙ୍ଗରା ଭୂଇଁ
ଲୁହର ନଈକୁ ହେଉଥିଲା ପାରି
ଧୈର୍ଯ୍ୟକୁ ଆହୁଲା କରି
ପାରିହେବା ପାଇଁ ଆଶା ରଖିଥିଲା
ଭାଗ୍ୟକୁ ନେଇ ଆଦରି
ତଥାପି ବିଫଳ ଆଶା ଅସଫଳ
ଦିନ ଗଲା ସରି ସରି
ମନ କଥା ଯାହା ମନରେ ମରିଲା
ସପନ ଗଲାଣି ମରି
ଅବୁଝା ଏ ମନ କଲାଣି ଗୁମାନ
ଝୁରି ଝୁରି ଗଲା ମରି
ଥମେନାହିଁ ଜମା ହୃଦୟ ସ୍ପନ୍ଦନ
ଜଳେ ବୁଦ୍ ବୁଦ୍ ପରି
ଅବୁଝା ମନଟା ବୋଲ ମାନୁନାହିଁ
ଭାବୁଥାଏ ଏଣେତେଣେ
ଲୁଚିଲୁଚି ଯାହା ନିଃଶବ୍ଦ କୋହରେ
କାନ୍ଦେ ବସି ମଙ୍ଗ କୋଣେ