ରାଷ୍ଟ୍ରୀୟ ନବ ଓ ବିଶ୍ୱ ଜଳ ଦିବସ

ପୃଥିବୀ ତ ଜଳାର୍ଣ୍ଣବ ଥିଲା ଦିନେ

ତାହା ପରେ ଅନନ୍ତ ଶୟନ

 ରାଷ୍ଟ୍ରୀୟ ଦିବସ ସାଥେ ଆଜି ପଡେ

ବିଶ୍ୱ ଜଳ ଦିବସ ତ ଜାଣ l

ଆଦି ନାରାୟଣ ସ୍ୱୟଂ ଭଗବାନ

ଏ ସୃଷ୍ଟିର ଆଦ୍ୟ ଆଜି କଲେ

ଚୈତ୍ର ମାସର ଶୁକ୍ଳ ପ୍ରତିପଦ

ତିଥିଟିକୁ ସିଏ ବାଛିଥିଲେ l

ରାମଚନ୍ଦ୍ର ପାଇଁ ଗୁରୁ ବଶିଷ୍ଠ ତ

ରାଜ୍ୟାଭିଷେକ ତ ଆଜି କଲେ

ଧର୍ମରାଜ ଯୁଧିଷ୍ଠିର ଆଜି ମଧ୍ୟ୍ୟ

ସିଂହାସନ ଆରୋହଣ କଲେ l

ବିକ୍ରମାଦିତ୍ୟଙ୍କ ରାଜ୍ୟ ଅଭିଷେକ

ଏହି ଦିବସରେ ହୋଇଥିଲା

ବିକ୍ରମ ସମ୍ବତ ସେହିଦିନ ଠାରୁ

ଭାରତରେ ଲାଗୁ ହୋଇଥିଲା l

ସମଗ୍ର ବିଶ୍ୱର ପ୍ରଥମ ସଂସ୍କୃତି

ଆଦି ଭାଷା ଏ ତ ପୃଥିବୀରେ

ସତ୍ୟ, ଶାନ୍ତି, ଦୟା, କ୍ଷମା, ନ୍ୟାୟ, ପ୍ରେମ

ତ୍ୟାଗର ଶାସ୍ତ୍ର ଏ ଭାରତରେ l

ତା ସାଙ୍ଗେ ସଂଯୋଗ ହୋଇ ଅଛି ଆଜି

ବିଶ୍ୱ ଜଳ ଦିବସ ଟି ଜାଣ

ତେଇଶି ମାର୍ଚ୍ଚ ଜଳ ଦିବସ ଟି

ବିଶ୍ୱେ ପାଇଅଛି ଆଜି ସ୍ଥାନ l

ନବବର୍ଷ ଆମେ ଦିବସେ ପାଳଉ

ଦିବାଲୋକେ ଆମେ ବଳିୟାନ

ରାତ୍ରିଚର ନୋହୁ ରାତିରେ ପାଳିବା

ଜାକଜମକରେ ତେଜୀୟାନ l

ଶୁଦ୍ଧାହାର କରି ତୋରଣ ଲଗାଇ

ପକାଇ ମୁରୁଜ ଛିଟା ମାନ

ଇଶ୍ୱର ଦର୍ଶନ ଅବା ଗଙ୍ଗା ସ୍ନାନ

ପରମ୍ପରା ଏ ଆମର ଜାଣ l

ମାଟି ତଳୁ ଜଳ ଶେଷ ହେଉଅଛି

ଆମେ ପ୍ରଗତି ପଥର ଯାତ୍ରୀ

ନ ଭାବଉ ଜଳ କିପରି ଆସୁଛି

କେଉଁଠୁ ହେଉଛି ୟାର ସୃଷ୍ଟି l

ଜଙ୍ଗଲ କାଟଉ ଜଙ୍ଗଲ ପୋଡ଼ଉ

ନିଜ କୁଠାରରେ ବେକ ହାଣି

ବୃଷ୍ଟିହୀନ ଧରା ହେବ ଯେତେବେଳେ

କେ ରକ୍ଷା କରିବ କାହୁଁ ଆଣି l

ପୃଥିବୀରେ ତିନି ଭାଗ ଜଳ ଥାଇ

ଜଳ ହୀନ ଏବେ ଏ ଧରଣୀ

ଶୁଦ୍ଧ ଅମ୍ଳଜାନ ଆଉ ନ ମିଳଇ

ବାୟୁ ତ ଦୂଷିତ ହେଲା ପୁଣି l

ଜଳ ବାୟୁ ଯଦି ନମିଳିବ ଭାଇ

ଆମେ କି ଧରିବା ଏ ଜୀବନ

ବେଳ ଥାଉ ଥାଉ ଉପାୟ ଟି ଦେଖ

କର ଏବେ ଜଳ ସଂରକ୍ଷଣ l

ଏ ରାଷ୍ଟ୍ରୀୟ ନବବର୍ଷ ରେ ତ ଆମେ

ବିଶ୍ୱ ଜଳ ଦିବସ ପାଳିବା

ଶପଥ କର ହେ ବିଶ୍ୱବାସୀ ସର୍ବେ

ଜଳ ଅପଚୟ ନକରିବା l