ଦୁଃଖ କହିବି ନା ସୁଖ କହିବି

ଦୁଃଖ କହିବି ନା ସୁଖ କହିବି 

ଦୁଃଖ କହିବି କି ସୁଖ ବା କହିବି 
କୁହେ ଅଙ୍ଗେଲିଭା କଥା 
ଏହି କଥା ଟିକୁ କହିବା ଆଗରୁ 
ମନକୁ ଆସଇ ବ୍ୟଥା l 

କିଛି ଦୁଃଖ କିଛି ସୁଖକୁ ନେଇତ 
ସଂସାର ଗଢିବା ହୁଏ 
ଟଙ୍କାଟିର ଦୁଇ ପାର୍ଶ୍ଵ ଏ ଦୁହେଁ ତ 
ନ ଛାଡେ କାହାକୁ କିଏ l 

ବଡ଼ଭାଇ ସୁଖ ସାନ ଭାଇ ଦୁଃଖ
ଦୁହିଁରେ ଲୋତକ ଝରେ 
କେ ଖୁସିର ଲୁହ କେ ଦୁଃଖର ଲୁହ 
କୁହ ତୁମେ ବିଚାରରେ l 

ସାନ ଭାଇ କେବେ ବଡ଼ କୁ ନ ଛାଡେ 
ପିଛା ତାର ଧରିଥାଏ 
ଭିତରେ ଭିତରେ ଚେରକୁ କାଟଇ 
ହିଂସାରେ ସେ ଜଳୁ ଥାଏ l 

ସ୍ୱାର୍ଥ ପଛେପଛେ ଦୁଃଖ ଧାଇଁଥାଏ 
ନିସ୍ଵାର୍ଥେ ମିଳଇ ସୁଖ 
ଧନ ପାଇଁ ସ୍ଵାର୍ଥେ ଅନ୍ଧ ହୋଇ ନର 
ଦୁଃଖ ମଣେ ମହା ସୁଖ l 

ମାୟାରେ ବାୟା ଏ ସଂସାରେ ସଂସାରି 
ମାୟାଧର କରେ ମାୟା 
ଯୋଗମାୟା ଏଠି ଯନ୍ତ୍ର ଟିପୁଥାନ୍ତି 
କେହି ନଜାଣନ୍ତି ଏହା l 

ଦୁଃଖରେ ଇଶ୍ୱର ପ୍ରାପତ ହୁଅନ୍ତି 
ଛିଣ୍ଡିଲେ ମାୟା ବନ୍ଧନ 
ସୁଖିଲୋକ କାହୁଁ ସେ ଭାବ ପାଇବ 
ସୁଖେ ସେ କାଟଇ ଦିନ l 

ଦୁଃଖ କୁ ଯେ ସୁଖ ମଣେ ସେହି ସାଧୁ 
ଗୀତା ଭାଗବତ କହି 
ସେ ପାଠ ପଢିଲେ ମାୟା ର ବନ୍ଧନୁ 
ବାହାରିବl ଆମେ ଭାଇ l 


ବିଷ୍ଣୁପ୍ରିୟା ପଣ୍ଡା
CDA, Sector 13, Cuttack 
Phone no.- 8895616126