ଶ୍ୟାମ ସୁନ୍ଦର

ମନସିଜ ମନ ମୋହନ ଘନ 

ଶ୍ୟାମ ସୁନ୍ଦର ହେ 

ହେମ ବରନି ପ୍ରେମରେ ଆଜି 

ପ୍ରୀତି ଜରଜର ରେ l

ମନସିଜ.............

ନବ ଦୁର୍ବାଦଳ ଶ୍ୟାମଳ ମୁରତି 

ନାରୀ ଚିତ୍ତ ଚୋର ହେ 

ଅଷ୍ଟ ପାଟ ବଂଶୀ ପଛରେ ଗୋଡ଼ାନ୍ତି 

ମନ ରାଧା ଠାର ରେ l

ମନସିଜ...........................

ବସନ୍ତ ଋତୁର ଆଗମନ ଦେଖି 

ମନ ଛନ ଛନ ରେ 

କେତେ ପ୍ରେମ ଦେଇ ବାନ୍ଧେ ରାଧାରାଣୀ 

ବାଇ ପ୍ରାୟ ମନ ରେ l 

ମନସିଜ.......... .......

ଆମ୍ର ବୃକ୍ଷେ ପୁଣି କୋକିଳ କାକଳି 

ଶୁଭେ ଘନ ଘନ ରେ 

କୁନିକୁନି କଷି ଆମ୍ବ ମାଥେ ଧରି 

ଚାଲିଯାଉ ଦାଣ୍ଡ ରେ l 

ମନସିଜ............................

ପ୍ରେମ ରଙ୍ଗେ ଆଜି ରଂଗାଇ ଦେଇଛୁ 

ସାରା ଉତ୍କଳ କୁ ରେ 

ହଳଦୀ ବସନ୍ତ ଡେଉଁଛି ପ୍ରେମରେ 

ଏ ଡ଼ାଳୁ ସେ ଡାଳ ରେ l 

ମନସିଜ............................

ଦକ୍ଷିଣ ଦିଗରୁ ଦକ୍ଷିଣା ବହୁଛି 

ସକଳେ ଆନନ୍ଦ ରେ 

ପ୍ରେମେ ମଗ୍ନ ହୋଇ ନାଚି କୁଦି ହସି 

ଗାଇ ଗୀତ ବାଦ୍ୟ ରେ l 

ମନସିଜ.....................

ପ୍ରେମରେ ମଜିଲୁ ପ୍ରେମମୟ କଲୁ 

ଜଗତ ପ୍ରେମରେ ବନ୍ଧାରେ 

ପ୍ରେମ ଋତୁ ବୋଲି ଋତୁ ରା଼ଜ ହେଲା 

ରଙ୍ଗ ବୋଳିଦେଲୁ ରେ l 

ମନସିଜ.............................

ରଙ୍ଗେ ରଂଗାଇଲୁ ପ୍ରେମେ ମଜାଇଲୁ 

ପିଠା ପଣା ଖଜା ନେ ରେ 

ଫଳ ମୂଳ ସାଥେ ଉଖୁଡା ଓ ଖଜା 

ଦାଣ୍ଡେ ବୁଲି ଖାଇ ଦେ ରେ 

ମନସିଜ...............................