ପ୍ରିୟ ଗୁରୁ

ଅନ୍ଧାର ରୂପକ ଅଜ୍ଞାନ ଭିତରୁ

     ଜ୍ଞାନର ପଥ ଦେଖନ୍ତି

ସ୍ନେହ ପ୍ରେମ ଆଉ ମମତାରେ ଭରି

   ଜୀବନେ ଚାଲିବା ଶିଖାନ୍ତି।

ଗୁରୁ ବିନା ଏଠି ଜୀବନର ମାନେ

   ଅଜ୍ଞାନ ଅନ୍ଧକାର ଅଟେ

ଗୁରୁଙ୍କ ପରଶେ ଜୀବନ ତ ଏଠି

   ଜ୍ଞାନର ଆଲୋକ ଭରେ ।

 

ପୁରାଣରେ ପୁଣି ଗୁରୁ ଭକ୍ତିର 

  ଅଛି ଯେ କେତେ ଉଦାହରଣ

ଏକଲବ୍ୟ ଆଉ ଆରୁଣିଙ୍କ ଗାଥା

  ଗୁରୁ ଭକ୍ତିର ଶ୍ରେଷ୍ଠ ନିଦର୍ଶନ।

ଗୁରୁ ଶିଷ୍ୟର ଏ ପରମ୍ପରା 

 କାହିଁ ଯେ କେତେ ଯୁଗର

ଗୁରୁଙ୍କ ସ୍ପର୍ଶରେ ଜୀବନ ପରା 

  ଆଲୋକିତ ହୁଏ ଆମର ।

ପିତା ମାତା ଆଉ ଶିକ୍ଷା ଦୀକ୍ଷା ଗୁରୁ

 ଜୀବନେ ଆସନ୍ତି ଆମ 

ଏ ଚାରି ଗୁରୁଙ୍କ ପରଶରେ ପରା 

 ମହକି ଉଠଇ ଆମ ।

ଆମ ଜୀବନରେ ଗୁରୁଙ୍କ ମହେତ

 ବୁଝିଥିଲେ ଜଣେ କେହି 

ତାଙ୍କ ଜନ୍ମ ଦିନ ଗୁରୁଙ୍କ ଉଦ୍ଦେଶ୍ୟ

 ତ୍ୟାଗ କରିଗଲେ ସେହି ।

ସେହି ମହାନ୍ ବ୍ୟକ୍ତି ତ

 ସର୍ବପଲ୍ଲୀ ରାଧାକ୍ରିଷ୍ଣନ 

ତାଙ୍କ ପାଦତଳେ ପ୍ରଣିପାତ ମୋର

  ପ୍ରିୟ ଉଦ୍ଦେଶ୍ୟ ମୋର।