ପ୍ରୀତିର ଚିଠି

ଆରମ୍ଭ କରୁଛି

 "ପ୍ରିୟ"ରୁ ସଖା

ତୁମ ବିନା ଲାଗିଲାଣି

 ମୋ ଜୀବନ ବୃଥା;

ଚିଠିରେ ଲେଖୁଛି 

ଖୋଲି ମନ କଥା

ଲାଗୁଛି ପାନ କରିସାରିଛି 

ତୁମ ପ୍ରେମ ମାଦକତା।

ଦିବା ସ୍ୱପ୍ନେ 

ଆସୁଛ ଯେ ଧାଇଁ;

ଖୋଲା ନୟନେ 

ମୁଁ ଚେତନା ହରାଉଛି

କେବଳ ତୁମରି ପାଇଁ।

ମନ୍ଦ୍ରମଧୁର ଅଟେ

 ତୁମ କଣ୍ଠ ସ୍ବର;

ସେ ସ୍ୱରେ ଝୁମିଉଠେ 

ଆଜି ମୋ ପୟର।

ସମ୍ମୋହିତ ହୋଇଯାଏ ମୁଁ ,

ତୁମ ରୂପଶୋଭାରେ;

ସତେ ଆସିଗଲାଣି ମୋର

ଦୁର୍ବଳତା ତୁମ ଉପରେ।

ତୁମ ସହ ଗୋଟିଏ ସ୍ବପ୍ନରେ

 ବିଚରଣ କରିବାକୁ ଚାହେଁ,

ତୁମକୁ କଳ୍ପନାରୁ ବାଦ୍ ଦେଇ 

ଆଉ କି ମୁଁ ବଞ୍ଚିପାରେ!!!!

କଳ୍ପନା ଜଗତେ 

କଟଇ ଦିନ ମୋର ଆଜି

ରହି ତୁମ ଅପେକ୍ଷାରେ;

ଚିଠି ପଢ଼ି ଚିଠି ଦେବ

ଇତିର "ସଖୀ" 

ରହୁଛି ମୁଁ ଶେଷରେ।