ପ୍ରତିବିମ୍ବର ରହସ୍ୟ

ସମୟ ଚକ୍ରରେ 

ସମାଜ ଆଖିରେ 

ଆଜି ସେ ଜଣେ 

ଚରିତ୍ରହିନା ନାରୀ।

କେ ବୁଝିପାରିବ

ଅନ୍ତରବେଦନା ତାର!

ଅବା ପରିସ୍ଥିତି ଜୀବନର

ଯାଇଛି ପରା ସବୁକିଛି ହାରି।

ଅତର ବାସ୍ନାରେ ମହକି ଯାଇ

ଧାଇଁ ଆସନ୍ତି ଦ୍ୱାରେ ମୁହଁ ଲୁଚେଇ,

କଳୁଷିତ କରି ତା ବେଶ୍ୟା ଶରୀର

ଚାଲିଯାଆନ୍ତି ପାଉଣା ହାତେ ଧରାଇ।

ପେଟ ପାଇଁ ବଞ୍ଚୁଥାଏ ଏଠି

ତ୍ୟାଗ କରି ସେ ଲଜ୍ଜ୍ୟାର ଓଢ଼ଣୀ,

ମଧ୍ୟ ରାତ୍ରେ ଯାଇ ଆଇନା ସମ୍ମୁଖେ

ଦେଖେ ବସି ନିଜ ପ୍ରତିବିମ୍ବ

ଲେଖିବା ପାଇଁ ସେ

ରହସ୍ୟମୟ ଅଲେଖା କାହାଣୀ।