ପରିବାର

ବାପାବୋଉ, ଦାଦାଖୁଡୀ,                       

ଜେଜେ, ଜେଜେମାଆ,     

ଭାଇଭଉଣୀ ମିଶି ପରିବାର ଗଢ଼ା |        

ଏକତ୍ର ଥିଲେ ପରିବାର,                           

ଗୃହ ସାଜେ ମନ୍ଦିର,        

ସେହି ମନ୍ଦିରର ସବୁଜନ ଆମ ଆପଣାର |      

ବଡ଼ଙ୍କୁ ସମ୍ମାନ ସହ,                           

ସାନେ ସୁପଦେଶ,           

ସବୁଠୁ ସମ୍ମାନିତ ଅଟନ୍ତି ବୟୋଜ୍ୟେଷ୍ଠ |   

ଜେଜଙ୍କର କାହାଣୀ,                          

ସ୍ନେହ ଓ ଆଦର,       

ଜେଜେମାଆଙ୍କ କୋଳ ଆନନ୍ଦ ସାଗର |      

ବାବା, ଦାଦାଙ୍କର ଶ୍ରମେ,                         

ବୋଉ ଖୁଡ଼ି ଗୃହକର୍ମେ,     

ଖେଳକୁଦ ପାଠପଢ଼ା ପରିବାର ପିଲାମାନେ | 

କେବେ ଦୁଃଖ କେବେ ସୁଖ,                        

କେବେ ପୁଣି ହସଲୁହ,     

ପରିବାର ରଜ୍ଜୁ ଗଢ଼ା ସଭିଙ୍କ ସସ୍ନେହ |    

ପରିବାର ଚାହେଁ ସଦା,                           

ସୁଶାସନ ପଦ୍ଧତି,           

ମଜବୁତ ରହେ ଯଦି,

ଠିକ ଚାଲିବେ ମୁରବୀ |  

ପରିବାର ଗଛ ହେଲେ,                           

ଆମେ ଡାଳ, ପତ୍ର, ଫୁଲ,     

ମୁରବୀ ଅଟନ୍ତି ଜଡ଼, ସଶକ୍ତ ସୁଦୃଢ |     

ପରିବାର ହେଲେ ନାଵ,                              

ଆମେ ସଦସ୍ୟ ତାହାର,  

ନାଉରୀ ଅଟେ ମୁରବୀ,

ମଙ୍ଗ ରକ୍ଷାକାର |  

ପରିବାର ଯଦି ଫୁଲ,                            

ଆମେ ପାଖୁଡା ତାହାର,     

ଆମବିନା ପରିବାର, ହୁଏ ନାରଖାର |      

ଯୋଉ ପରିବାରେ ଥାଏ,                             

ମିଳିମିଶି ମନ,         

ସେଇ ପରିବାର ଅଟେ ସରଗ ସମାନ |       

ରାଗ, ହିଂସା, ପରଭାବ,                             

ହୋଇଗଲେ ଦୂର,   

ଦୀର୍ଘସ୍ଥାୟୀ ହୋଇଥାଏ ଆମ ପରିବାର |   

ଇଟାମାଟି ପଥରରେ,                              

ଗଢ଼ା ହୁଏରେ ମହଲ,     

ସ୍ନେହ ପୂର୍ଣ୍ଣ ପରିବାରେ ଗଢ଼ା ହୁଏ ଘର |     

ସ୍ବର୍ଗଠୁ ସୁନ୍ଦର ଆହା                               

ଅଟେ ପରିବାର,       

ପରସ୍ପର ସ୍ନେହ ଯହିଁ ଥାଏ ନିରନ୍ତର ||