ପ୍ରେମର ଅବିର

ପ୍ରେମ ଏକ ଅନୁଭବ, ଜଣେ ଅନ୍ୟ ଜଣଙ୍କ 

ହୃଦୟର ତାରକୁ ଟାଣିନିଏ

ଜଣଂକ ହୃଦୟ ଅନ୍ୟ ଜଣ ପାଇଁ ଆକୁଳତାର

ସପନ ଝୁଲାରେ ଝୁଲିଯାଏ  |

ପ୍ରେମ ନୁହେଁ ମିଛ ମରୀଚିକା, ସେ ଜୀବନ 

ସଙ୍ଗୀତର ମୂର୍ଚ୍ଛନା

ଦୁଇଟି ମନକୁ ବାନ୍ଧେ ଏକ ଡୋରେ, ପ୍ରେମିକା 

ପ୍ରେମିକର କଳ୍ପନା |

ପ୍ରେମିକା ଆସିଥିଲା ଏହି ସଂସାରକୁ ଫୁଲଟିଏ 

ହୋଇ ସ୍ୱାଧୀନ ଭାବେ ରହିବା ପାଇଁ,

ଲୋଡୁଥିଲା ସ୍ନେହ ପ୍ରେମ, ପ୍ରେମିକର କୋମଳ

ଛୁଅାଁରେ ତା ହୃଦୟ ନେଲା ଚୋରାଇ |

ଦୁନିଆରେ ସୁଖ ସାଥେ ଦୁଃଖ ଲାଗି ରହିଛି

ସବୁ କିଛି ଘଟି ଚାଲେ,

ଆକୁଳ ବ୍ୟାକୁଳ, ଅନ୍ଧାର ଆଲୁଅ ପରି ପାଶେ 

ରହି ଲୁଚକାଳି ଖେଳେ ।

ଜୀବନେ କେତେ ଫଗୁଣ ଆସିବ ଫଲ୍ଗୁ ସାଥେ 

ନେଇ ରଙ୍ଗେଇବ ତନୁ ମନ, 

ସେନେହ, ସରାଗ, ଶରଧା, ଓ ପୀରତି ରୂପକ

ଅବିରେ ହୋଇବ ତ ପୂର୍ଣ୍ଣ |

ପ୍ରେମର ସମ୍ପର୍କ "ରଙ୍ଗ " ଭରିଦିଏ, ଜାତି, ଧର୍ମ, 

ବର୍ଣ୍ଣ ସବୁକୁ ପଛରେ ପକାଇ 

ପ୍ରତୀକ ସେ ସ୍ନେହ, ମୈତ୍ରୀର କେତେ କେତେ ଯେ

ସବୁ ମଧୁ ଗୀତିକା ଗାଇ, |

ସପ୍ତରଙ୍ଗ ନେଇ ଆସେ କେତେ ଫଗୁଣ, ସାଥେ 

ଧରି ପ୍ରେମ ସମ୍ଭାର, 

ସମୟ ଆସିଲେ, ରାଧା କୃଷ୍ଣ ଭଳି ସେହି ରଙ୍ଗ 

ସାମନା କରେ ପ୍ରତୀକ୍ଷାର |

ପ୍ରେମଧାରା, କ୍ଷଣପ୍ରଭା କ୍ଷଣେ ଦେଖାଇ ଆଲୋକ

ପୁଲକ ଆଣଇ ମନେ,

ସମୟ ଆସିଲେ ଘଡଘଡି ଆସେ ଦୁନ୍ଦୁଭି ବଜାଇ

ଆତଙ୍କ ଜଗାଏ ପ୍ରାଣେ  |