ପ୍ରେମୀ ଯୁଗଳ

ରକ୍ତିମ ପଶ୍ଚିମ ଆକାଶ ସୂରୁଜ

ଗୋଧୋଳିର ଆଗମନ,

ପକ୍ଷୀଙ୍କର ନୀଡ଼ ଅଭିମୁଖେ ଯାତ୍ରା

କରନ୍ତି ପ୍ରତ୍ୟାବର୍ତ୍ତନ ।

ଏ ଶୁଭ ମୁହୂର୍ତ୍ତେ ପ୍ରଜାପତି ଦୁଇ

ପ୍ରେମର ପରଶ ପାଇଁ ,

ଖୋଜୁଛନ୍ତି ଦୁହେଁ କାନନ ଉଦ୍ୟାନ

ସାଗରର ବେଳାଭୂଇଁ ।

ପାଇଗଲେ ଏକ ବିଜନ ସ୍ଥାନରେ

ବସିଥାନ୍ତେ ଦୁହେଁ ତଳେ,

ଗଢନ୍ତେ ତାଙ୍କର ପ୍ରେମ ଘର ଏକ

ରଖି ମୁଣ୍ଡ ଆନ କୋଳେ ।

ପିଲା ଦିନୁ ଦୁହେଁ ଖେଳି ବୁଲୁଥିଲେ

ଏକ ସାଙ୍ଗ ସାଥି ହୋଇ,

ଏବେ ଦୁହେଁ ପୁଣି ଯୁବକ ଯୁବତୀ

ଆଉ ସେହି ବେଳ ନାହିଁ ।

ସେ ବେଳର କଥା ଆଜି ଆଉ ନାହିଁ

କିଏ ଅଛି କେଉଁ ମତେ,

ସବୁ କିଛି ଆଜି ବଦଳି ଯାଇଛି

ଚିରନ୍ତନ ଏ ଜଗତେ ।

ଲୁଚି ଲୁଚି ପଦେ କଥା ହେବା ପାଇଁ

ଦୁହିଁଙ୍କର ମନ ହୁଏ,

ସୁଯୋଗ ମିଳୁନି  ଥରେ ବି କାହାକୁ

କହିବାକୁ ଡର ଥାଏ ।

ଆଜି କାଲି ଏଇ ଚାଲି ଚଳଣିରେ

ରହିଛି ବହୁ ପାଚେରୀ,

ପାଚେରୀ କୁ ଡେଇଁ ଥରେ ପାରିହେଲେ

ସମାଜ ହୁଏ ଭଗାରି ।

ଏହି କଥା ସବୁ  ଲାଗୁଛି ଅଡ଼ୁଆ

ହେଉଥାନ୍ତି କଲବଲ,

ଆଶ୍ଚର୍ଯ୍ୟ ଲାଗିଲା  ଏହା ଶୁଣିବାକୁ

ଭଲ ପରା ହୁଏ ଭେଲ ।