ଲାଇବ୍ରେରୀ
ପ୍ରୋଫାଇଲ୍
ସ୍ମୃତି
ସ୍ମୃତି
ତୁମେ ଚାଲିଗଲା ହୃଦୟରୁ ମୋର
କରିଦେଇ ସାତ ପର,
ଚାଲିଗଲ ସିନା କରି ମୋତେ ପର
ତୋଳିଦେଲ ହୃଦୟରେ ଘର।
ପାଇଥିଲି ଭଲ ଜୀବନଠୁ ବେଶୀ
ତୁମକୁ ହୃଦୟ ସାଥେ,
ବାଲିଘର ପରି ଭାଙ୍ଗିଲ ମନକୁ
ଭୁଲିଗଲ ତମେ ମୋତେ।
କେତେ ଦେଖିଥିଲି ସ୍ବପ୍ନ ମୁଁ ତୁମକୁ
କରିବା ପାଇଁ ନିଜର,
ସ୍ବପ୍ନ ମୋର ସ୍ୱପ୍ନରେ ରହିଲା
ଭାଙ୍ଗିଗଲା ଆଶା ମୋର।
ଦିନରାତି ଆଜି ଝୁରୁଛି ତୁମକୁ
ଅତୀତର ସ୍ମୃତି ସାଥେ,
ଏମିତି କାହିଁକି ବଦଳିଲ ତୁମେ
ଭୁଲି ଚାଲିଗଲ ମୋତେ।
ଭାବନା ରାଜ୍ୟରେ ସାଧା କାଗଜରେ
ଛବି ତୁମ ଆଜିଯାଏ ଆଙ୍କି ହୋଇ,
ଲୁହରେ ଭିଜୁଛି ଦୁଇ ଆଖି ମୋର
କାହାକୁ ପାରେନା କହି।
ତୁମେ ଗଲାପରେ ବହୁ କଷ୍ଟରେ ବଞ୍ଚିଛି
ଭଙ୍ଗା ହୃଦୟକୁ ନେଇ,
ମନରେ ମୋ ଥିଲା ଯେତେ ପ୍ରେମ
ବୋହିଗଲା ଲୁହ ହୋଇ।
ଦିନ ଚାଲିଗଲା ତୁମେ ଚାଲିଗଲ
ସ୍ମୃତି ଖାଲିଗଲା ରହି,
ଦେଖିଯାଅ ଥରେ କେମିତି ବଞ୍ଚିଛି
ତୁମରି ସ୍ମୃତିକୁ ନେଇ।
