ରଥଯାତ୍ରା

ଜଗତର ନାଥ ପ୍ରଭୁ ଜଗନ୍ନାଥ ,

ରତ୍ନସିଂହାସନେ ତମେ ବିରାଜିତ।

କୋଟି ଓଡିଆଙ୍କ ହୃଦୟ ସ୍ପନ୍ଦନ,

କାଳିଆ ସାଆନ୍ତ ହେ କଳାବାମନ!

ବରଷକେ ଥରେ ରଥ ଯାତରା, 

ଭକ୍ତ ଚାହିଁଥାନ୍ତିହୋଇ ଆତୁରା ।

ଭକତଙ୍କ ଦୁଃଖ ହରିବା ପାଇଁ,

ରତ୍ନସିଂହାସନୁ ଆସ ଓହ୍ଲାଇ ।

ଭାଇ ଭଉଣୀଙ୍କୁ ସାଙ୍ଗରେ ଧରି ,

ମାଉସୀ ଘରକୁ ଯିବ ବାହାରି ।

ଚାଲନାହିଁ ତମେ କର ପହଣ୍ଡି ,

ପଣ୍ଡା ନେଇ ଯିବେ ତମକୁ ଭିଡି।

ଝୁଲିଝୁଲି ବିଜେ କରିବ ରଥେ,

ଶ୍ରୀମୁଖକୁ ଚାହିଁଥିବେ ଭକତେ।

କାହିଁ କେତେ ଦୂର ଲାଗିଛି ଧାଡ଼ି,

ଟାଣିବେ ଭକତେ ରଥ ଦଉଡି଼ ।

ତୁମରି ଆଶିଷ ପାଇବା ପାଇଁ,

କେତେ ଦୂରୁ ଭକ୍ତ ଆସନ୍ତି ଧାଇଁ ।

ରଥ ଗଡ଼ୁଥିବ ବଡ଼ଦାଣ୍ଡରେ ,

ଭକ୍ତ ଟାଣିନେବେ ଭକ୍ତିଭାବରେ।

ଛାଡ଼ିଦେବ ତମେ ଛପନଭୋଗ,

ପୋଡ଼ପିଠାରେ ଯେ କରିବ ଲୋଭ।  

ରତନବେଦୀରୁ ହୋଇବ ଦୂର,

ଶ୍ରୀହିନ ଲାଗିବ ତୁମ ଶ୍ରୀମନ୍ଦିର।

ନଅଦିନ ପରେ ତମେ ଫେରିବ, 

ସୁନାବେଶେ ସତେ ସଜେଇ ହେବ।

ଏ ଅପୂର୍ବ ଦର୍ଶନ ପାଇବ ଯିଏ,

କୋଟିଜନ୍ମ ପୂଣ୍ୟ ଲଭିବ ସିଏ।

  ଜୟ ଜଗନ୍ନାଥ