ଶ୍ରାବଣେ କାଉଡି ଭକ୍ତ

ଶ୍ରାବଣ ଅଟଇ ପବିତ୍ର ମାସ 

ବାର ମାସ ମଧ୍ୟରୁ ଏକ 

କାଉଡିଆ ରହିଥାନ୍ତି ଚାହିଁ 

କରିବାକୁ ଜଳାଭିଷେକ |

ଶ୍ରାବଣରେ ନିଷେଧ ଅନେକ 

ଦେବାଦେବୀଙ୍କ ପରବ 

ଏହି ମାସରେ ନ ହୁଏ କେଉଁ 

ମାଙ୍ଗାଳିକ କାର୍ଯ୍ୟ |

ଶ୍ରାବଣ ଅଟଇ ଚତୁର୍ମାସ୍ୟା 

ମଧ୍ୟରେ ଅନ୍ତର୍ଭୁକ୍ତ 

ଏହି ଚାରିମାସ ଲାଗିଥିଲା 

ଖୋଜିବାକୁ ସୀତା ମାତ |

ରାମଚନ୍ଦ୍ର ସାଥେ ଭାଇ ଲକ୍ଷ୍ମଣ 

ଖୋଜୁଥିଲେ ସାରା ବଣ 

କେଉଁଠି ନ ଥିଲେ ପାଇ ସନ୍ଧାନ 

ହୋଇଥିଲେ ହତାଶ |

ଧାରା ଶ୍ରାବଣ ବରଷାରେ ହେଲେ 

ନେଇ ନଥିଲେ ବିଶ୍ରାମ 

ଶେଷରେ ଇଷ୍ଟଙ୍କୁ ଡାକିଥିଲେ 

ଧରି ମନେ ଭକତି |

ସେ ଆଉ ନୁହନ୍ତି ଦେବତା କେହି 

ସ୍ୱୟଂ ଭୋଳାନାଥ 

ସେ ଦେବତା ଅଟନ୍ତି ଆଶୁତୋଷ 

ଜଳ ଧାରାରେ ସନ୍ତୁଷ୍ଟ |

ପ୍ରଭୁ ରାମଚନ୍ଦ୍ର ଚଢ଼ାଇଲେ ଜଳ 

ତୃପ୍ତ ହୋଇଲେ ଶଙ୍କର 

ସମୁଦ୍ର ମନ୍ଥନ ବେଳେ ଶଙ୍କର 

ପିଇଥିଲେ ହଳାହଳ ବିଷ |

କରିଥିଲେ ଜଗତକୁ ଉଦ୍ଧାର 

ହୋଇ ନୀଳକଣ୍ଠ 

ସେ ଦିନଠୁଁ ଯେତେ ଅଦରକାରୀ 

ଲୋଡ଼ା ଫଳ ଆଉ ଫୁଲ |

ଯେତେ ବିଷାକ୍ତ ପଦାର୍ଥ ତାଙ୍କର 

ହୋଇଛି ପ୍ରସାଦ 

ବିଷ ଜ୍ୱାଳାରେ ଜଳୁଥିବା ଶରୀର 

ଲୋଡ଼ା ଖାଲି ଜଳ |

ଜଳ ଧାର ରେ ସଦା ଅଟନ୍ତି ସନ୍ତୁଷ୍ଟ 

ପ୍ରଭୁ ଊମା ଈଷ 

ସୁଦ୍ଧ ପୂତ ମନେ କାଉଡ଼ି ନିଅନ୍ତି 

ପବିତ୍ର ନଦୀର ଜଳ |

ଭକ୍ତି ଭରେ ଦେଇ ନଇବେଦ୍ୟ 

ହୁଅନ୍ତି ମନ୍ଦିରେ ଶରଣ 

କରନ୍ତି ଅଭିଷେକ ଢାଳି ସେହିଁ ଜଳ 

ଶ୍ରାବଣେ କଉଡ଼ି ଭକ୍ତ |