ଫଗୁଣ ପ୍ରଭାତ

ପ।ହିଛି ଅନ୍ଧାର , ରାତି ଯାଇ ଅଛି ବିତି

ମଧୁମୟୀ ଶୋଭା ବୋହି ହସୁଛି ପ୍ରକୃତି ।

ଲାସ୍ୟ - ଲାବଣ୍ୟେ ଧଉତ , ଦିଗ ଦିଗନ୍ତର

ପ୍ରସାରେ ଲାଲିମା ବ୍ୟାପୀ , ସୁନୀଳ ଅମ୍ବର ।

କଳ ରୋଳ କରି ଏବେ ପଶୁ ପକ୍ଷୀ ଗଣ

ଶଯ୍ୟା ତେଜି ନିଜ କ।ର୍ଯ୍ୟେ ଦେଉଛନ୍ତି ମନ ।

ପୂରୁବ ଦିଗେ  ପ୍ରକୃତି , ଫଗୁ ଖେଳ ରତ

ଦିଗନ୍ତ ଶୋଭାଇ ଦିଏ ମୁରୁଜ ମଣ୍ଡିତ ।

ବିଚିତ୍ର ବର୍ଣ୍ଣ।ଳୀ ଲୀଳା , ବିଭାସେ ମଞ୍ଜୁଳା

ଆଲୋକ ମାଳା ରେ ଦିଶେ , କିବା ଫଗୁ ବୋଳା ।

ବନ କାନନ , ପର୍ବତେ ତରୁ ବ୍ରତତୀ ରେ

ବାଳ ଭାନୁ କରେ କମ୍ର ସୁଷମା ପ୍ରସରେ ।

ଅରୁଣିମା ସ୍ପର୍ଶ ମହୀ - ମହିଳା ର ଶୋଭା

ଅନୁପମ ଉଷା ଲୋକେ ଅତି ମନ ଲୋଭ। ।

ବିଭାସିତ ବେଳୁ ବେଳ ତପନ ମୟୁଖ 

ମଧୁ ଝରା ମଧୁ ଋତୁ ଲାଗେ ଅତି ସୁଖ ।