ଫିକା ରଜ

     ରଜ ଆସିଲାଣି

        କାହାକୁ ଏଥର ଲାଗୁନି ମଜା,

     ସବୁଆଡେତ ହତାଶ ପଣ

         ମଣିଷ କାଟୁଛି ଏଥର ସଜା l

      ବାଟ ଘାଟତ

ଖାଲି ପଡ଼ିଛି,

      କୋରୋନା ଆତଙ୍କ

ଗ୍ରାସ କରିଛି l

       ପିଠା ପଣାର 

             ମ‌ଉଜ ନାହିଁ,

       କାହାରି ମନରେ 

              ଖୁସିତ ନାହିଁ l

      ସାଙ୍ଗ ସାଥିତ

            ଆସିବେ ନାହିଁ,

      ରଜ ପାନରେ

            ସେ ମଜା କାହିଁ?

      ନୂଆ ପୋଷାକରେ

    ‌         ସେ ସୁଖ ନାହିଁ,

      ସାଙ୍ଗ ସାଥି ହୋଇ 

               ବୁଲିବା ପାଇଁ l

       ଦୋକାନ ବଜାର

               ସବୁତ ତାଲା,

        ରଜ ସୁଖ ସବୁ

               ପାଣିରେ ଗଲା l

        ଦୋଳି ଖେଳିବାକୁ

               ମନତ ନାହିଁ,

        କୁଆଁରି ବସିଛି

              ମୁହଁ ଶୁଖେଇ l

        ରଜ ମ‌ଉଜ 

               କେତେ ଯେ ସୁଖ,

         ଫିକା ପଡ଼ିଲା

                ସବୁ ସଜବାଜ,

         କି କାଳ ହେଲା

             ରଜଟା ଏଥର ପାଣିରେ ଗଲା   l