ଫଗୁଣର ଦୋଳ
ଫଗୁଣର ଦୋଳ
ଫଗୁଣର ଦୋଳ
ଏଇ ଫଗୁଣରେ ପୂର୍ଣ୍ଣିମା ତିଥିରେ
ଦୋଳ ମଣ୍ଡପରେ ଜାତ
ରଚିବାକୁ ସଜ ହୋଇଲେଣି ଆଜ
ଦେଖ ଦେଖ ଆଗୋ ମିତ ।
ଦୋଳ ଫଗୁ ଖେଳ। ରାଧାକୃଷ୍ଣ ଲୀଳା
ପାଇଁ କି ଚଳ ଚଞ୍ଚଳ
ହୋଇ ଉଠିଲାଣି ଅନାଲୋ ସଜନୀ
ପୁର ପଲ୍ଲୀ ଗ୍ରାମ ନଗ୍ର ।
ରାଈ ଦାମୋଦର ରାସେ ରାସେଶ୍ୱର
ରାସ ରସେ ହେବେ ଭୋଳ
କେତେ ମଜା ଲାଗେ ଦେଖିବା ପାଇଁଲୋ
ଆସିଛି ପୁନେଇଁ ଦୋଳ ।
ଯାତରା ଉତ୍ସବ ଅନୁଷ୍ଠିତ ହେବ
ମନ୍ଦିରରେ ସାଜ ସଜ୍ଜା
ମନୋହର ବେଶ ମନଲୋଭା ଦୃଶ୍ୟ
ହେବ ରାଧା କୃଷ୍ଣ ଲୀଳା ।
ନାନା ସ୍ଥାନେ ନାନା ରଙ୍ଗେ ଲୀଳା ନୃତ୍ୟ
ଖେଳାଇ ଜୀବନେ ରସ
ବିମାନେ ବିଜୟ କରିଲେଣି ଦେଖ
ରଚିବା ପାଇଁ କି ରାସ ।
ପୂର୍ଣ୍ଣିମା ତିଥିରେ ପଞ୍ଚ ଦୋଳ ଶେଷ
ହୋଇ ହେବ ଦଶ ଦୋଳ
ମେଲଣ ପଡିଆ କେତେ ମଜା ଆହା
ହେଲାଣି ଚଳ ଚଞ୍ଚଳ ।